Duterte៖ ព្រះរបស់អ្នកគឺឆ្កួត ព្រះរបស់ខ្ញុំមានន័យរួម

2018-06-26 08:28:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Rodrigo Duterte ប្រធានាធិបតីហ្វីលីពីន កាលពីថ្ងៃទី២៥ ខែមិថុនា ២០១៨ ម្សិលមិញ បានលើកឡើងថា "ព្រះរបស់អ្នកមិនមែនជាព្រះរបស់ខ្ញុំឡើយ ព្រោះព្រះរបស់អ្នកគឺឆ្កួត ចំណែកព្រះរបស់ខ្ញុំមានន័យរួម"។

លោក Duterte បួងសួងនៅវិហារសាសនាកាតូលិក San Agustin ក្នុងក្រុងម៉ានីល កាលពីឆ្នាំ២០១៧ កន្លងទៅ (រូបភាព៖ The Philstar)

ការលើកឡើងរបស់លោក Duterte គឺដើម្បីការពារសុន្ទរកថារបស់លោកកាលពីថ្ងៃសុក្រ សប្ដាហ៍មុន ក្រោយមានការរិះគន់ពីអ្នកកាន់សាសនាកាតូលិកថា លោក Duterte ជាមនុស្សឆ្កួត ដោយហៅព្រះ "ឆ្កួត"។

លោក Duterte បានលើកឡើងក្នុងនាមអ្នកកាន់សាសនាកាតូលិកម្នាក់ថា គ្មាននរណាអាចចងគាត់ទៅនឹងជំនឿណាមួយបាននោះទេ។ លោកថា "ប្រសិនបើខ្ញុំមិនជឿជាក់លើព្រះណាមួយ តើវាទើសនរណាមែន? វាគឺសេរីភាពដើម្បីជ្រើសរើស"។

ក្រោយការលើកឡើងរបស់លោក Duterte លោកអាចារ្យសាសនាកាតូលិក Arturo Bastes បានជំរុញឲ្យអ្នកកាន់សាសនាកាតូលិកប្រមាណ ៧០លាននាក់នៅក្នុងប្រទេស បួងសួងឲ្យប្រធានាធិបតី Duterte ដែលត្រូវបានអ្នកកាន់សាសនាកាតូលិក ចាត់ទុកថា ជាមនុស្សឆ្កួត៕

ប្រភព៖ RT ប្រែសម្រួល៖ វាសនា