ទាល់តែធ្វើអ៊ីចឹង ទើបយល់ពីតម្លៃសត្វត្មាត
- 2019-09-13 06:29:49
- ចំនួនមតិ 0 | ចំនួនចែករំលែក 0
ទាល់តែធ្វើអ៊ីចឹង ទើបយល់ពីតម្លៃសត្វត្មាត
ចន្លោះមិនឃើញ
ដើម្បីអបអរសាទរទិវាយល់ដឹងអំពីសត្វត្មាតអន្តរជាតិ២០១៩ ក្រុមការងារអភិរក្សសត្វត្មាតកម្ពុជា និងអគ្គនាយកដ្ឋានសុខភាពសត្វ និងផលិតកម្មសត្វ បានសហការរៀបចំសិក្ខាសាលាផ្សព្វផ្សាយសេចក្តីជូនដំណឹងស្តីអំពី ការបញ្ឈប់ការនាំចូល ការចែកចាយ-ផ្គត់ផ្គង់ និងការប្រើប្រាស់បសុឱសថគ្រប់ប្រភេទដែលមានសារធាតុផ្សំឌីក្លូហ្វេណាក់ (DICLOFENAC)។ សិក្ខាសាលានេះ ធ្វើឡើងនៅសាលប្រជុំធំរបស់អគ្គនាយកដ្ឋានសុខភាពសត្វនិងផលិតកម្មសត្វក្នុងរាជធានីភ្នំពេញ កាលពីថ្ងៃទី១២ ខែកញ្ញា ឆ្នាំ២០១៩។
សិក្ខាសាលានេះប្រារព្ធឡើងដើម្បីចូលរួមជាមួយពិភពលោកក្នុងទិវាយល់ដឹងពីសត្វត្មាតនិងជម្រុញអ្នកពាក់ព័ន្ធទាំងអស់ក្នុងការអនុវត្តសេចក្តីជូនដំណឹងរបស់ក្រសួងកសិកម្ម រុក្ខាប្រម៉ាញនិងនេសាទស្តីពី ការបញ្ឈប់ការនាំចូល ការចែកចាយ-ផ្គត់ផ្គង់ និងការប្រើប្រាស់បសុឱសថគ្រប់ប្រភេទដែលមានសារធាតុផ្សំឌីក្លូហ្វេណាក់ (DICLOFENAC) ឫប្រភេទថ្នាំលាយផ្សំគ្រប់ប្រភេទដែលមានសារធាតុផ្សំឌីក្លូហ្វេណាក់ (DICLOFENAC) ក្នុងការព្យាបាលសត្វគ្រប់ប្រភេទដែលអាចប៉ះពាល់ដល់ជីវិតរបស់សត្វត្មាតនៅកម្ពុជា (លេខ៧០២០ ចុះថ្ងៃទី១៥ ខែកក្កដា ឆ្នាំ២០១៩)។
កម្មវិធីប្រព្រិត្តទៅក្រោមអធិបតីរបស់លោក តាន់ ផាន់ណារ៉ា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វ(ក្រសួងកសិកម្ម រុក្ខាប្រម៉ាញ់និងនេសាទ) និងលោក អូ សេរី អគ្គនាយករងនៃអគ្គនាយកនៃអគ្គនាយកដ្ឋានរដ្ឋបាលការពារ និងអភិរក្សធម្មជាតិ(ក្រសួងបរិស្ថាន)និងមានការចូលរួមពីប្រធានមន្ទីរកសិកម្ម រុក្ខាប្រម៉ាញ់ និងនេសាទនិងមន្រ្តីជាន់ខ្ពស់មកពីខេត្តចំនួន៥ដែលមានវត្តមានសត្វត្មាត(ស្ទឹងត្រែង រតនគីរី មណ្ឌល់គីរី ក្រចេះ និងព្រះវិហារ) មន្ត្រីជាន់ខ្ពស់នៃនាយកដ្ឋាននានាដែលចំនុះឲ្យអគ្គនាយកដ្ឋានសុខភាពសត្វនិងផលិតកម្មសត្វ តំណាងអង្គការនិងស្ថាប័នដែលជាសមាជិកក្រុមអភិរក្សសត្វត្មាតកម្ពុជានិងអង្គភាពពាក់ព័ន្ធនានាប្រមាណជា៤៥នាក់។
ក្រោយពីចំណាយពេលមួយថ្ងៃដើម្បីស្តាប់បទបង្ហាញរបស់វាគ្មិនសំខាន់ៗអំពីសត្វត្មាតនិងផលប៉ះពាល់នៃបសុឱសថឌីក្លូហ្វេណាក់ សិក្ខាកាមក៏បានធ្វើការជជែកពិភាក្សាយ៉ាងសកម្មដើម្បីកំណត់សកម្មភាពអាទិភាពយកទៅអនុវត្តសំដៅធ្វើឲ្យសេចក្តីប្រកាសរបស់ក្រសួងមានប្រសិទ្ធភាពនិងបានជាប្រយោជន៍ដល់សត្វត្មាតជិតផុតពូជបំផុតរបស់កម្ពុជា។
បសុឱសថឌីក្លូហ្វេណាក់ មាននៅលើទីផ្សានិងត្រូវប្រមូលដកហូតមកវិញ ក្រសួងបានបញ្ឈប់ក្នុងការផ្តល់អាជ្ញាប័ណ្ណនាំចូល ដេប៉ូលក់បសុឱស ពេទ្យសត្វភូមិ និងអជ្ញាធរមូលដ្ឋានគឺក្រុមគោលដៅដើម្បីធ្វើការអប់រំផ្សព្វផ្សាយដើម្បីទប់ស្កាត់ចែកចាយនិងប្រើប្រាសថ្នាំនេះ។សូមជំរាបជូនថាបសុឱសថឌីក្លូហ្វេណាក់ ជាថ្នាំព្យាបាលសត្វគោក្របីប៉ុន្តែវាអាចបំពុលសំលាប់សត្វត្មាតបានយ៉ាងសាហាវនៅពេលសត្វត្មាតស៊ីសាកសពគោក្របីដែលមានសត្វធាតុថ្នាំនេះ៕
អត្ថបទ និងរូបថត៖ ហ្វេសប៊ុក BirdLife International Cambodia Programme