ប្រភេទឈ្មោះអ្វីខ្លះ ដែលមិនអនុញ្ញាតឱ្យជ្រើសរើសដាក់លើផ្លាកលេខពិសេសផ្ទាល់ខ្លួន?
- 2020-01-11 01:30:00
- ចំនួនមតិ 0 | ចំនួនចែករំលែក 0
ប្រភេទឈ្មោះអ្វីខ្លះ ដែលមិនអនុញ្ញាតឱ្យជ្រើសរើសដាក់លើផ្លាកលេខពិសេសផ្ទាល់ខ្លួន?
ចន្លោះមិនឃើញ
យោងតាមប្រកាសអន្តរក្រសួង ស្តីពី ការលក់លេខចុះបញ្ជីពិសេសផ្ទាល់ខ្លួនសម្រាប់រថយន្ត ត្រង់ប្រកាស២ មានខ្លឹមសារថា៖
លេខចុះបញ្ជីពិសេសផ្ទាល់ខ្លួន សំដៅលើប្រភេទលេខចុះបញ្ជីដែលផ្នែកខាងលើសរសេរអក្សរខ្មែរ «កម្ពុជា» ផ្នែកកណ្តាលជាលេខចុះបញ្ជីមានលេខ ឬ/និងអក្សរឡាតាំងមិនលើសពី ៨ខ្ទង់ និងផ្នែកខាងក្រោមសរសេរអក្សរឡាតាំង «CAMBODIA» នៅពីក្រោមបន្ទាត់ផ្តេក។ អតិថិជនអាចធ្វើការជ្រើសរើសលេខចុះបញ្ជីពិសេសផ្ទាល់ខ្លួន តាមរយៈបង្គុំលេខ ឬ/និងអក្សរឡាតាំងមិនលើសពី ៨ខ្ទង់ ឬអាច៖
មិនអនុញ្ញាតជ្រើសយកលេខចុះបញ្ជីទាក់ទងនឹងឈ្មោះទីកន្លែងប្រវត្តិសាស្រ្ត ឈ្មោះប្រាសាទ ឈ្មោះរាជធានី ខេត្ត ឈ្មោះក្រសួង ស្ថាប័ន គណបក្សនយោបាយ។
ឈ្មោះថ្នាក់ដឹកនាំជាន់ខ្ពស់ ជនល្បីឈ្មោះ និងលេខចុះបញ្ជីពិសេសផ្ទាល់ខ្លួនមួយចំនួនទៀត ត្រូវមានការសម្រេចពីគណៈកម្មការអន្តរក្រសួង គ្រប់គ្រងការលក់លេខចុះបញ្ជីរថយន្ត។
មិនអនុញ្ញាតឡើយចំពោះប្រភេទលេខចុះបញ្ជីពិសេសផ្ទាល់ខ្លួនដែលមានអត្ថន័យ ឬសូរស័ព្ទដែលប៉ះពាល់ដល់សណ្តាប់ធ្នាប់សាធារណៈ មានជាអាទិ៍ ការជេរប្រមាថ ការរើសអើង ការបៀតបៀនផ្លូវភេទ ឬប៉ះពាល់ដល់សីលធម៌ សុជីវធម៌ក្នុងសង្គម៕