សួនច្បារក្តាន់ពីរ នឹងប្តូររូបរាងឆាប់ៗនេះ

2020-02-10 06:39:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋបាលរាជធានីភ្នំពេញ នឹងកែសម្រួលប្រព័ន្ធចរាចរណ៍ត្រង់ចំណុចប្រសព្វក្តាន់ពីររវាងមហាវិថីស៊ីធីសេនធ័រ (ផ្លូវ R6) និងមហាវិថីសាធារណរដ្ឋឆេក ក្នុងនោះនឹងធ្វើការកែសម្រួលផ្ទៃសួនច្បារក្តាន់ពីរមួយផ្នែកទៅជារង្វង់មូលក្តាន់ពីរ និងស្ថាបនាផ្លូវជុំវិញរង្វង់មូលនេះ ដោយរក្សារូបសំណាកក្តាន់ពីរ ឱ្យនៅដដែល។ នេះបើតាមសេចក្តីជូនដំណឹងរបស់រដ្ឋបាលរាជធានីភ្នំពេញ នៅថ្ងៃទី១០ ខែកុម្ភៈ ឆ្នាំ២០២០។

រូបថត៖ Google Maps

ជាមួយគ្នានេះ រដ្ឋបាលរាជធានី ក៏ស្ថាបនាពង្រីកកំណាត់មហាវិថីសហព័ន្ធរុស្ស៊ីចិញ្ចើមខាងជើង ចាប់ពីស្ថានីយប្រេងឥន្ធនៈតូតាល់ ដល់ផ្លូវកែងមហាវិថីស៊ីធីសេនធ័រចូលទីក្រុងរណបភ្នំពេញ ស៊ីធី សែនធ័រ (អតីតតំបន់អភិវឌ្ឍបឹងកក់) និងដាក់លូទំហំ ១ម៉ែត្រ ដើម្បីរំដោះទឹកចេញពីដងមហាវិថីព្រះមុនីវង្ស និងមហាវិថីសហព័ន្ធរុស្ស៊ី។

ការងារខាងលើនេះ ធ្វើឡើងបន្ទាប់ពីរដ្ឋបាលរាជធានីភ្នំពេញ បានពិនិត្យឃើញពីការកកស្ទះចរាចរណ៍ខ្លាំងនៅលើកំណាត់មហាវិថីសហព័ន្ធរុស្ស៊ី ចាប់ពីចំណុចប្រសព្វក្តាន់ពីរ រហូតដល់ស្តុបបេកាសេ។

រដ្ឋបាលរាជធានី ចាប់ផ្តើមអនុវត្តការដ្ឋានខាងលើ ចាប់ពីថ្ងៃជូនដំណឹងនេះតទៅ៕

អត្ថបទ៖ សំភី