ក្លឹប Premier League ទាំង ២០ ប្រជុំគ្នាលើរឿងបញ្ចប់រដូវកាល

2020-04-16 02:47:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្មីៗនេះមានដំណឹងអំពី អ្នកដឹកនាំស្ថាប័ន Premier League និងម្ចាស់ក្លឹបទាំង ២០ ព្រមទាំងសមាគមបាល់ទាត់អង់គ្លេស ឲ្យបើកការប្រជុំថ្មីមួយទៀតនៅថ្ងៃសុក្រ សប្តាហ៍នេះ ដើម្បីរកដំណោះស្រាយរឿងលីគធ្វើយ៉ាងណាឲ្យបានគ្រប់សប្តាហ៍ទាំង ៣៨ ខណៈដែលភាគរយខ្ពស់នៃការប្រកាសបិទបញ្ចប់រដូវកាល ២០១៩-២០២០ នៅថ្ងៃទី ៣០ ខែមិថុនា កំពុងជាប្រធានបទក្តៅ និងជាជម្រើសទី១។

ពាន Premier League រូបថត៖ /PA

បើតាមប្រភពជិតស្និទ្ធដែល theguardian បានសាកសួរគឺ តាមគម្រោងការ Premier League ចង់ឲ្យបញ្ចប់ មុននឹងការមកដល់នៃថ្ងៃផុតកំណត់កុងត្រាកីឡាករ។ មានខ្លះគាំទ្រឲ្យបញ្ចប់ដោយមិនបាច់ប្រកួតទៀតទេ ទោះជាសល់តែ ៩ ប្រកួត តែក៏មានមតិផ្ទុយផងដែរ ក្រោមហេតុផលជាច្រើន។

Premier League នឹងត្រឡប់មកវិញនៅពេលណាដែលស្ថានការណ៍កូវីដ-១៩ អាចគ្រប់គ្រងបាន។ បើមើលតាមតួលេខចំនួនឆ្លងវីរុសកូវីដ-១៩ នៅមិនទាន់ធូរស្រាលទេក្នុងប្រទេសអង់គ្លេស។

បើតាមជម្រើសជាដំណោះស្រាយក្នុងកិច្ចប្រជុំ នៅថ្ងៃសុក្រនោះអាចមានច្រើនដូចជា រកទីតាំងកណ្ដាល មួយដើម្បីបញ្ចប់ដែលនៅសល់តែ ៩ ប្រកួតទៀត ឬបោះឆ្នោតយកមតិភាគច្រើន គិតទៅលើពិន្ទុតាមការប្រកួតកន្លងមក (ជម្រើសនេះក៏កំពុងតែចរចារគ្នា)។ ដូចនេះ មានតែរង់ចាំចម្លើយផ្លូវការមួយ ដើម្បីយកបញ្ជាក់់។

រូបថត៖ The New york times

ជាធម្មតា លីគកំពូលប្រទេសនេះ តែងតែរកឃើញជើងឯក នៅអំឡុងខែ ឧសភា ឬមិថុនា។ ស្របពេលដែលវិបតិ្តរីរុសចូលមកដល់ រដូវកាលនេះ បានផ្អាក ត្រឹមសប្តាហ៍ ២៩ តែយ៉ាងណាការឲ្យពាន លើក្រុមមិនទាន់ក្លាយជាជើងឯក១០០% គឺវាហាក់ខុសឆ្គងពីច្បាប់នៃការប្រកួត រីឯការរំសាយចោល នឹងកាន់តែខុសថែមទៀត៕

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ

-Android: play.google.com

-iOS: apps.apple.com/us/app

ប្រភព៖ theguardian ប្រែសម្រួល៖ រក្សា