រកឃើញ៦ នាក់ផ្ទុកវីរុសកូវីដ១៩ មុនចូលហ្វឹកហាត់នៅ Bundesliga

2020-05-03 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករ ៦ រូបមកពីក្លឹប ២ ផ្សេងគ្នាគឺ ក្លឹប FC Koln និងក្លឹប Cologne ក្នុងក្របខ័ណ្ឌកំពូលអាល្លឺម៉ង់ Bundesliga ដែលត្រូវបានខាងក្លឹបបញ្ជាក់ថា ពិតជាកំពុងផ្ទុកវីរុសកូវីដ១៩ ប្រាកដមែន ក្រោយពេលឆ្លងកាត់ការធ្វើតេស្តកីឡាករទាំងអស់ចូលហ្វឹកហាត់ កាលពីថ្ងៃសុក្រនិងសៅរ៍ នៅសប្តាហ៍មុន។

ខ្សែបម្រើក្រុម Koln ឈ្មោះ Birger Verstraete /រូបថត៖GettyImage

កីឡាករម្នាក់ក្នុងចំណោមអ្នកទាំង ៦ គឺខ្សែបម្រើឈ្មោះ Birger Verstraete បាននិយាយថា៖ **"ទោះជារូបគេមានផ្ទុកវីរុស តែក្រុមទាំងមូលនៅបន្តហ្វឹកហាត់ធម្មតា ចំណែកឯរូបគេត្រូវបានអនុញ្ញាតឲ្យនៅដាច់ពីគេ និងទទួលបានការព្យាបាលពីក្រុមគ្រូពេទ្យជំនាញរបស់ក្លឹប។"**

កីឡាករក្រុម Koln សញ្ជាតិបែលហ្សិករូបនេះក៏បានបន្ថែមទៀតថា រូបគេគ្មានអ្វីគួរឲ្យបារម្ភទេ តែមិត្តស្រី ទើបជាក្តីបារម្ភធំ ដោយសារនាងមានជំងឺប្រចាំកាយឧស្សាហ៍ខ្សោយបេះដូង។

លីគ ដ៏មានប្រជាប្រិយភាពមួយនេះ ត្រូវបានទទួលភ្លើងខៀវពីរដ្ឋអំណាច តាំងពីដើមខែមេសា មកម្ល៉េះ។ ប្រធានលីគលោក Christian Seifert បានផ្តល់បទសម្ភាន៍ផ្លូវការមួយ ដោយអនុញ្ញាតិឲ្យកីឡាករគ្រប់ក្រុមចូលហ្វឹកហាត់វិញដោយចាប់ផ្តើមពីថ្ងៃទី ៩ ខែឧសភា។

កីឡាករក្រុុម Cologne(្កក្រហម) ពេលលេងចុងក្រោយបង្អស់ដោយបិទទ្វារ ទល់នឹងក្រុម Gladbach(បៃតង)

លីគ អាចនឹងចាប់ផ្តើមការប្រកួតនៅប៉ុន្មានសប្ដាហ៍បន្ទាប់ ដើម្បីបញ្ចប់រដូវកាលដែលនៅសល់តែ ៩ ប្រកួតទៀតប៉ុណ្ណោះ ប៉ុន្តែមិនអនុញ្ញាតឲ្យអ្នកគាំទ្រចូលក្នុងកីឡដ្ឋានឡើយ អាចមើលតាមទូរទស្សន៍បាន។

បើទោះជាបានបើកឲ្យក្រុមទាំងអស់ចូលមកទីលានហ្វឹកហាត់ ឲ្យកីឡាករមកហាត់ធម្មតា តែត្រូវរក្សាគម្លាតដោយចែកជាក្រុមតូចៗ នៅដាច់គ្នាផងដែរ។

វិធានការនៅ Bundesliga គឺធ្វើតាមគោលការណ៍គឺត្រូវធ្វើតេស្ដកីឡាករជាប់រហូត ហើយសម្រាប់ការប្រកួតដែលនៅសល់ នឹងត្រូវអនុញ្ញាតឲ្យមនុស្សចូលក្នុងកីឡដ្ឋានត្រឹមតែ ២៤០ នាក់ប៉ុណ្ណោះមានដូចជា កីឡាករ គ្រូ មន្ត្រីអាជ្ញាកណ្ដាល បុគ្គលិកពេទ្យ និងក្រុមការងារថត ហើយក៏ត្រូវ អនុវត្តវិធានការការពារ ឬតាមដានសុខភាពកីឡាករនិងបុគ្គលិកក្លឹបនិមួយៗផងដែរ៕

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ

-Android: play.google.com

-iOS: apps.apple.com/us/app

ប្រភព៖ theguardian | Goal ប្រែសម្រួល៖ រក្សា