យោងតាមមាត្រា២៥ នៃច្បាប់ស្តីពីចរាចរណ៍ផ្លូវគោក មានខ្លឹមសារថា៖

-អ្នក​បើកបរ​ដែលមាន​បំណង​បត់​ត្រឡប់​ក្រោយ ឬថយក្រោយ ត្រូវ​ជឿជាក់​ថា ទង្វើនេះ​ មិន​ធ្វើឱ្យរំខាន​ខ្លាំង ឬបណ្តោយ​ឱ្យមាន​គ្រោះថ្នាក់​ដល់​អ្នកប្រើប្រាស់​ផ្លូវ​ផ្សេងទៀតឡើយ។

-ចំពោះ​ការ​បើកបរ​ថយក្រោយ អ្នក​បើកបរ​ត្រូវ​ប្រុងប្រយ័ត្ន​ និង​ក្រឡេក​មើល​ចលនា​ចរាចរណ៍​ខាងក្រោយ​យាន​គ្រប់វិនាទី ពិសេស​មុន​នឹង​ថយក្រោយ ត្រូវ​ប្រុងប្រយ័ត្ន​មើល​ឱ្យបាន​សព្វជ្រុងជ្រោយ​ចំពោះ​កុមារ​តូច ឬសត្វតូចៗ​នៅខាងក្រោយ។

-ហាមបត់ត្រឡប់ក្រោយ នៅក្នុងករណី​ដូចខាងក្រោម៖

• នៅជិត​ផ្លូវប្រសព្វ​ឬជិត​ផ្លូវរថភ្លើង​ឆ្លងកាត់

• នៅ​ត្រង់ផ្លូវកោង​ដែលអ្នក​បើកបរ​មិនអាចមើលឃើញ​យានផ្សេងៗទៀតបាន​ក្នុងចម្ងាយ ១៥០ម៉ែត្រ

• នៅជិត​ដល់កំពូលខ្ពស់​និងនៅពេលចុះ​ពីកំពូលខ្ពស់

• នៅកន្លែង​ដែលមាន​សញ្ញាហាមបត់​ត្រឡប់ក្រោយ

• នៅលើទ្រូងផ្លូវឯកទិស៕