ផ្សារទំនើបអន្តរជាតិដ៏ធំបំផុតនៅខេត្តព្រះសីហនុ នឹងចេញជារូបរាងឆាប់ៗនេះ

2020-06-12 01:55:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្សារទំនើប Prince Mall លំដាប់អន្តរជាតិដ៏ធំបំផុតនៅខេត្តព្រះសីហនុ ដែលបានកំពុងសាងសង់ជិតរួចរាល់ នឹងត្រូវដាក់ឱ្យដំណើរការគម្រោងទី១ នាពេលដ៏ខ្លីខាងមុខនេះ ពោលគឺនឹងរូបរាងឡើងនៅខែតុលា ឆ្នាំ២០២០។

កាលពីថ្ងៃទី១១ ខែមិថុនា ឆ្នាំ២០២០ លោក គួច ចំរើន អភិបាលខេត្តព្រះសីហនុ ក្នុងដំណើរចុះពិនិត្យវឌ្ឍនភាពនៃការសាសង់ បានគាំទ្រ និងលើកទឹកចិត្តដល់សកម្មភាពវិនិយោគមួយនេះ។

រូបថត៖ រដ្ឋបាលខេត្តព្រះសីហនុ

ក្នុងរង្វង់ទឹកប្រាក់វិនិយោគប្រមាណ ៤០០លានដុល្លារ សំណង់ផ្សារទំនេីបមួយនេះ បានចំណាយពេលសាងសង់រយៈពេល៤ឆ្នាំ លេីផ្ទៃដី ២២០០០ម៉ែត្រការ៉េ រួមបញ្ចូលទាំងអគារខុនដូ សណ្ឋាគារផងដែរ ដែលបានវិនិយោគដោយ Prince Huan Yu Real Estate Group Co., Ltd។

អ្នកចាត់ការទូទៅបានឱ្យដឹងថា តូប ហាង ប្រមាណ ៧០០ កន្លែង ត្រូវបានអាជីវករជាវ សម្រាប់ដំណេីរការអាជីវកម្ម មានដូចជា៖ ធនាគារ, មជ្ឈមណ្ឌលពាណិជ្ជកម្ម, កាហ្វេស្តាបាក់, កាហ្វេអាម៉ាស្សូន , ភេសជ្ជៈខយ, រោងភាពយន្តទំនេីប, សម្លៀកបំពាក់កីឡាម៉ាកអាឌីដាស , សម្លៀកបំពាក់ម៉ាកភេដដ្រូ និងគម្រោងជាច្រេីនទៀតដែលនឹងត្រូវបញ្ចប់នាឆ្នាំ២០២២ខាងមុខ៕

ប្រភព៖ ទទក