ក្រសួងអប់រំ ត្រៀមបោះពុម្ពសៀវភៅសិក្សាគោលមុខវិជ្ជាអប់រំសុខភាព

2020-10-23 06:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងអប់រំ យុវជន និងកីឡា កាលពីថ្ងៃទី ២២ តុលា ២០២០ បានរៀបចំពិធីបិទកិច្ចប្រជុំពិនិត្យបញ្ចប់ស្ដីពីខ្លឹមសារ សេចក្ដីព្រាងសៀវភៅសិក្សាគោលមុខវិជ្ជាអប់រំសុខភាព សម្រាប់ថ្នាក់ទី ២,៥,៨ និងថ្នាក់ទី១១ ដែលបានពិភាក្សារយៈពេលពីរថ្ងៃកន្លងមកនេះលើការងារបច្ចេកទេសមួយចំនួនដើម្បីបញ្ចប់ខ្លឹមសារលើសេចក្ដីព្រាងនេះ និងត្រៀមបោះពុម្ពជាសៀវភៅសិក្សាគោលសម្រាប់ ការបង្រៀន និងរៀននៅក្នុងកម្មវិធីសិក្សាថ្នាក់ជាតិនៅពេលខាងមុខ។

ពិធីបិទកិច្ចប្រជុំនេះត្រូវបានរៀបចំឡើងក្រោមអធិបតីភាពលោកជំទាវ គឹម សេដ្ឋានី រដ្ឋលេខាធិការ ក្រសួងអប់រំ យុវជន និងកីឡា ក្នុងឱកាសបិទនេះលោកជំទាវបានមានប្រសាសន៍ថ្លែងអំណរគុណ ដល់ដៃគូអភិវឌ្ឍទាំងអស់ដែលបានខិតខំប្រឹងប្រែងរួមគ្នាជួយលើកកម្ពស់សុខភាពសិក្សាកន្លងមក។ លោកជំទាវទាវបានបន្តថា ដោយសារស្ថានភាពកូវីដ-១៩ និងទឹកជំនន់ផងនោះ យើងត្រូវតែចូលរួមសហការគ្នាពន្លឿនការងារនេះ និងស្វែងរក កៀរគរដៃគូនានាដើម្បីជួយឧបត្ថម្ភរៀបចំជាសៀវភៅសិក្សាគោលនេះឡើង។

សូមបញ្ជាក់ថា កាលពីឆ្នាំ២០១៩កន្លងទៅនេះ ក្រសួងអប់រំ បានបិទបញ្ចប់ស្ដីពីខ្លឹមសារសេចក្ដីព្រាងសៀវភៅសិក្សាគោល មុខវិជ្ជាអប់រំសុខភាពសម្រាប់ថ្នាក់ទី១,៤,៧ និងថ្នាក់ទី១០ រួចហើយដែរ៕

ប្រភព៖ MoEYS Cambodia