លើកទី១ក្នុងប្រវត្តិសាស្ត្រ ក្រសួងចិនចេញមុខបិទរាល់សកម្មភាពរបស់ Zheng Shuang ទាំងអស់
- 2021-01-22 02:45:00
- ចំនួនមតិ 0 | ចំនួនចែករំលែក 0
លើកទី១ក្នុងប្រវត្តិសាស្ត្រ ក្រសួងចិនចេញមុខបិទរាល់សកម្មភាពរបស់ Zheng Shuang ទាំងអស់
ចន្លោះមិនឃើញ
ពីតារាលំដាប់A តារាសម្ដែងស្រីចិន Zheng Shuang បានបាត់បង់អ្វីគ្រប់យ៉ាងទាំងអស់នៅក្នុងដៃក្រោយតែមួយយប់ ដោយសាររឿងអាស្រូវជួលគេបង្កើតកូនហើយបោះបង់ចោល។
រំលងអធ្រាត្រចូលថ្ងៃទី ២១ ខែមករានេះ ក្រសួងផ្សព្វផ្សាយវិទ្យុ និងទូរទស្សន៍ចិន (NRTA) បានបញ្ចេញដីការផ្លូវការ បិទរាល់សកម្មភាពទាំងអស់តារាសម្ដែងស្រីល្បីឈ្មោះ Zheng Shuang។ ក្រសួងខាងលើ ក៏បានរិះគន់ស្រីស្អាត ២៩ឆ្នាំយ៉ាងចាស់ដៃ ចំពោះសកម្មភាពបោះបង់ចោលកូនបង្កើតរបស់ខ្លួន។
“តារាសម្ដែង ថតបានសមិទ្ធិផលច្រើនប៉ុណ្ណា ប៉ុន្តែបើក្រមសីលធម៌គ្មានទេ បង្ហាញមុខលើទូរទស្សន៍នាំមកតែផលអវិជ្ជមានប៉ុណ្ណោះ។ មនុស្សល្បីឈ្មោះ ត្រូវភ្ជាប់មកជាមួយសីលធម៌ឲ្យបានសមរម្យ ហាត់រៀនអំពីទង្វើរបស់ខ្លួនឯង។ ដូចនេះ ពួកខ្ញុំនឹងមិនផ្ដល់ឱកាសដល់អ្នកនាំមានផលអាក្រក់បង្ហាញមុខនៅមុខទស្សនិកជនឡើយ។ គោលការណ៍មុនក្រោយគឺដូចគ្នា ត្រូវយកមហាជនជាគោល” ក្រសួងខាងលើបញ្ចេញសារដើម្បីបិទរាល់សកម្មភាពរបស់តួរៀង LOVE 020 ទាំងអស់។
តាមនោះដែរ រឿងភាគ និងភាពយន្តជាង២០របស់ Zheng Shuang នឹងត្រូវលុបចោលទាំងអស់ មិនថានាងដើរតួឯក ឬតួរងឡើយ។ បណ្ដាញព័ត៌មាន Sina បានឲ្យដឹងថា ស្រីស្អាតកើតឆ្នាំ ១៩៩១ នឹងត្រូវសងលុយកុងត្រាដែលខ្លួនបំពាន សរុបទាំងអស់ ជាង៣០លានដុល្លារ។ ហើយផ្ទះ Penthouse តម្លៃជាង ២០លានដុល្លាររបស់នាង ក៏អាចនឹងត្រូវបាត់បង់ ដោយសារនាងលែងមានលទ្ធភាពបង់រំលោះប្រចាំខែទៀតហើយ។
នៅពេលនេះ អ្នកដែលរងគ្រោះមិនមែនមានតែ Zheng Shuang នោះឡើយ ដោយតារាសម្ដែងផ្សេងទៀតដូចជា Yangyang ក៏ត្រូវពាក់ព័ន្ធ ដោយរឿងរបស់លោកនិងនាង នឹងត្រូវបានលុបជារៀងរហូត៕