នាយឧត្តមសេនីយ៍ សៅ សុខា មេប៉េអឹមលើផ្ទៃប្រទេស មានប្រវត្តិបែបណា?

2021-07-25 00:51:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីថ្ងៃទី២១ ខែកក្កដា ប៉ុន្មានថ្ងៃកន្លងទៅនេះ គឺជាខួបគម្រប់ ៤៤ឆ្នាំ នៃការចូលបម្រើកងទ័ពរបស់នាយឧត្តមសេនីយ៍ សៅ សុខា។

យុទ្ធជន សៅ សុខា ចូលបម្រើក្នុងជួរកងទ័ពកាលពីថ្ងៃទី២១ ខែកក្កដា ឆ្នាំ១៩៧៨។ យុវជន សៅ សុខា ជាកូនកសិករ ដែលត្រូវរស់នៅកំព្រាម្នាក់ឯង ក្រោយឪពុកម្តាយ និងបងប្អូន ត្រូវបានបនប្រល័យពូជសាសន៍ប៉ុល ពត សម្លាប់។ បច្ចុប្បន្ន លោកជានាយឧត្តមសេនីយ៍ អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស។

ខាងក្រោមនេះ ជាជីវប្រវត្តិសង្ខេបរបស់លោកនាយឧត្តមសេនីយ៍ សៅ សុខា

លោក សៅ សុខា កើតនៅថ្ងៃទី១ ខែវិច្ឆិកា ឆ្នាំ១៩៦១ (អាយុ ៦០ឆ្នាំ) នៅភូមិស្វាយកោង ឃុំស្វាយរំពេ ខេត្តស្វាយរៀង។ លោកមានឪពុកឈ្មោះ សៅ សាំង និងម្ដាយឈ្មោះ គង់ សុវណ្ណ (ស្លាប់ក្នុងរបបប៉ុល ពត ដូចគ្នា)។ លោកជាកូនច្បង ក្នុងចំណោមបងប្អូនបង្កើត ៥នាក់ (ប្រុស ៣ ស្រី២) ដែលក្នុងនោះប្អូនស្រីមួយរូបស្លាប់ដោយសារជំងឺកាលពីឆ្នាំ ១៩៧២ និងប្អូន៣នាក់ទៀត បានស្លាប់ក្នុងរបបប៉ុលពត។ លោកមានភរិយាឈ្មោះ ស្រី ហ៊ាញ និងមានកូន ២នាក់ (ប្រុស ១ ស្រី១)។

លោក សៅ សុខា កាលពីក្មេង (ស្ដាំ), រូបលោកសៅ សុខា ជាមួយសម្ដេចហ៊ុន សែន (កណ្ដាល) និងរូបសម្ដេចហ៊ុន សែន កាលពីក្មេង (ឆ្វេង)

**បទពិសោធន៍ការងារ៖**

លោកចូលបម្រើកងទ័ព នៅថ្ងៃទី២១ ខែកក្កដា ឆ្នាំ១៩៧៨ ជា នារសាមេបញ្ជាការអង្គភាព ៥៧៨

១៩៧៨ ដល់ ១៩៧៩ ៖ ប្រធានកងអនុសេនាតូច វរសេនាតូចលេខ ១០
១៩៧៩ ដល់ ១៩៨០ ៖ ប្រធានកងអនុសេនាធំ វរសេនាតូចលេខ ១០
១៩៨០ ដល់ ១៩៨១ ៖ ជំនួយការយុវជន កងពលលេខ ១
១៩៨១ ដល់ ១៩៨៣ ៖ បណ្ដុះបណ្ដាលវិទ្យាសាស្រ្ដនយោបាយ និងរដ្ឋបាលសាធារណៈ នៅប្រទេសវៀតណាម
១៩៨៣ ដល់ ១៩៨៥ ៖ ប្រធានមន្ទីរយុវជនក្នុងកងទ័ព ស្នងការចាត់តាំងអគ្គស្នងការនយោបាយ
១៩៨៥ ដល់ ១៩៨៦ ៖ បណ្ដុះបណ្ដាលវិទ្យាសាស្រ្ដនយោបាយ និងរដ្ឋបាលសាធារណៈ នៅសហភាពសូវៀត
១៩៨៦ ដល់ ១៩៨៩ ៖ ប្រធានមន្ទីរយុវជនក្នុងកងទ័ព ស្នងការចាត់តាំងអគ្គស្នងការនយោបាយ
១៩៨៩ ដល់ ១៩៩១ ៖ អនុស្នងការចាត់តាំង អគ្គស្នងការនយោបាយ
១៩៩១ ដល់ ១៩៩៣ ៖ ប្រធានក្រុមយោធាចម្រុះ ភាគីរដ្ឋកម្ពុជា ប្រចាំទិសខេត្តកំពង់ធំ
១៩៩៣ ដល់ ១៩៩៩ ៖ មេបញ្ជាការរង កងរាជអាវុធហត្ថលើផ្ទៃប្រទេស
១៩៩៩ ដល់ បច្ចុប្បន្ន ៖ មេបញ្ជាការ កងរាជអាវុធហត្ថលើផ្ទៃប្រទេស