លោក Duterte ជំរុញឲ្យក្រុមសកម្មប្រយុទ្ធឥស្លាម បញ្ឈប់ការផ្ទុះអាវុធ និងវិលចូលតុចរចា
- 2017-05-27 02:41:49
- ចំនួនមតិ 0 | ចំនួនចែករំលែក 0
លោក Duterte ជំរុញឲ្យក្រុមសកម្មប្រយុទ្ធឥស្លាម បញ្ឈប់ការផ្ទុះអាវុធ និងវិលចូលតុចរចា
ចន្លោះមិនឃើញ
ប្រធានាធិបតីហ្វីលីពីន លោក Rodrigo Duterte កាលពីថ្ងៃទី២៦ ឧសភា ម្សិលមិញ បានប្រកាសទៅកាន់ក្រុមសកម្មប្រយុទ្ធឥស្លាមឲ្យបញ្ឈប់ការផ្ទុះអាវុធ និងចាប់ផ្ដើមចរចាគ្នា ដើម្បីបញ្ចប់ការកាន់កាប់ដោយការសម្លាប់គ្នា នៅតំបន់ភាគខាងត្បូងទៀត។
លោក Duterte បន្ថែមថា វត្តមានក្រុមសកម្មប្រយុទ្ធបរទេសក្នុងសមរភូមិនៅក្រុង Marawi កាលពីថ្ងៃទី២៣ ឧសភា ២០១៧ បញ្ជាក់ថា ក្រុម IS បានកសាងមូលដ្ឋានមួយនៅកោះ Mindanao រួចហើយ ប៉ុន្តែយើងនៅតែមានឱកាសសម្រាប់សន្តិភាព។ លោកបានបញ្ជាក់ប្រាប់ទាហានហ្វីលីពីន នៅក្រុង Iligan ថា "ក្រុម IS បានមានវត្តមាននៅទីនេះរួចហើយ"។
លោក Duterte បានសង្កាត់ធ្ងន់ថា "សាររបស់ខ្ញុំផ្ដោតសំខាន់ទៅក្រុមសកម្មប្រយុទ្ធ គឺយើងនៅតែអាចដោះស្រាយបញ្ហាតាមរយៈការចរចា ហើយប្រសិនបើអ្នកមិនអាចបញ្ឈប់ការប្រយុទ្ធគ្នាទេ ដូច្នេះយើងមានតែប្រយុទ្ធគ្នាតទៅទៀត"។
សូមបញ្ជាក់ថា ការប៉ះទង្គិចគ្នារវាងកងទ័ពហ្វីលីពីន និងក្រុមសកម្មប្រយុទ្ធឥស្លាម នៅក្រុង Marawi តំបន់ Mindanao បានផ្ទុះឡើង ចាប់តាំងពីថ្ងៃទី២២ ឧសភា ២០១៧មកម្ល៉េះ៕