ក្រោយ​ប៉ាណាម៉ា បាន​ប្រកាស​កាត់ផ្ដាច់​ទំនាក់ទំនង​ការទូត​កាលពី​ថ្ងៃ​ទី១២ មិថុនា ម្សិលមិញ នៅ​ពេល​នេះ កោះ​តៃវ៉ាន់​នៅ​មាន​ទំនាក់ទំនង​ជាមួយ​រដ្ឋ​ចំនួន ២០​ប៉ុណ្ណោះ។ ក្នុង​នោះ នៅ​តំបន់​មហា​សមុទ្រ​មាន​រដ្ឋ​ចំនួន​៦ នៅ​តំបន់​អាមេរិក​កណ្ដាល​មាន​រដ្ឋ​ចំនួន​៥ នៅ​តំបន់​ការ៉ាប៊ីន (Caribbean) មាន​រដ្ឋ​ចំនួន​៥ នៅ​ទ្វីប​អាហ្រ្វិក​មាន​រដ្ឋ​ចំនួន​២ នៅ​ទ្វីប​អឺរ៉ុប​មាន​រដ្ឋ​ចំនួន​មួយ និង​តំបន់​អាមេរិក​ខាងត្បូង​មាន​រដ្ឋ​ចំនួន​១។

រដ្ឋ​ចំនួន​៦ ក្នុង​តំបន់​មហា​សមុទ្រ ដែល​មាន​ទំនាក់ទំនង​ការទូត​ជាមួយ​តៃវ៉ាន់ មាន​ដូចជា កោះ Kiribati (២០០៣) កោះ Marshall (១៩៩៨) កោះ Nauru (២០០៥) កោះ Palau (១៩៩៩) កោះ Solomon (១៩៨៣) និង​កោះ Tuvalu (១៩៧៩)។

រដ្ឋ​ចំនួន​៥ ក្នុង​តំបន់​អាមេរិក​កណ្ដាល ដែល​មាន​ទំនាក់ទំនង​ការទូត​ជាមួយ​តៃវ៉ាន់ មាន​ដូចជា រដ្ឋ Belize (១៩៨៩) រដ្ឋ El Salvador (១៩៦១) រដ្ឋ Guatemala (១៩៣៣) ប្រទេស​អង់ដូរ៉ាស (១៩៤១) ប្រទេស Nicaragua (១៩៩០)។

រដ្ឋ​ចំនួន​៥ ក្នុង​តំបន់​ការ៉ាប៊ីន (Caribbean) ដែល​មាន​ទំនាក់ទំនង​ការទូត​ជាមួយ​តៃវ៉ាន់ មាន​ដូចជា ប្រទេស Dominican (១៩៥៧) ប្រទេស​ហៃទី (១៩៥៦) កោះ Saint Kitts and Nevis (១៩៨៣) កោះ Saint Lucia (២០០៧) និង​កោះ Saint Vincent and the Grenadines (១៩៨១)។

រដ្ឋ​ចំនួន​២ ក្នុង​តំបន់​អាហ្រ្វិក ដែល​មាន​ទំនាក់ទំនង​ការទូត​ជាមួយ​តៃវ៉ាន់ មាន​ដូចជា ប្រទេស Burkina Faso (១៩៩៤) និង​ប្រទេស Swaziland (១៩៦៨)។

ចំណែក​នៅ​តំបន់​អាមេរិក​ខាងត្បូង​វិញ មាន​ប្រទេស​ប៉ារ៉ាហ្គាយ និង​នៅ​តំបន់​អឺរ៉ុប មាន​រដ្ឋ Holy See ដែល​នៅ​ក្នុង​ក្រុង​រ៉ូម ប្រទេស​អ៊ីតាលី ដែល​កំពុងមាន​ទំនាក់ទំនង​ការទូត​ជាមួយ​កោះ​តៃវ៉ាន់៕