ក្អកចេញឈាម បណ្ដាលមកពីអ្វី?

2017-06-22 08:03:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការក្អកឈាម ជារោគសញ្ញាមួយ ដែលគួរឲ្យបារម្ភ ព្រោះវាអាចបណ្ដាលឲ្យគ្រោះថ្នាក់ដល់ជីវិត ប្រសិនពុំមានការព្យាបាលឲ្យទាន់ពេលវេលា។ បើតាមការឲ្យដឹងពីមន្ទីរពេទ្យកាល់ម៉ែត ក្អកឈាម មានមូលហេតុផ្សេងៗជាច្រើន ដែលជាទូទៅបង្កឡើងដោយការឆ្លងរោគដូចជា៖

ជំងឺរបេង៖ ភាគច្រើនអ្នកជំងឺស្រកគីឡូ ក្ដៅខ្លួនរ៉ាំរ៉ៃ
ជំងឺរីកទងសួត៖ ច្រើនកើតលើអ្នកជំងឺ ដែលមានប្រវត្តិកើតជំងឺរបេងពីមុន ហើយស្ដែងចេញជារោគសញ្ញាក្អករ៉ាំរ៉ៃ និងមានកំហាកជាប្រចាំ
ជំងឺរលាកទងសួត ឬរលាកសួត៖ រោគសញ្ញាស្ដែងចេញជាក្អកហត់ និងក្ដៅខ្លួន
ជំងឺមហារីកសួត៖ ភាគច្រើនកើតលើអ្នកពិសាបារី ដែលមានវ័យចាប់ពី៤០ឆ្នាំឡើងទៅ
ជំងឺបេះដូងត្បៀតប្រឺសមីត្រាល់៖ អ្នកជំងឺជាទូទៅមានប្រវត្តិជំងឺបេះដូង និងមានរោគសញ្ញាឆាប់ហត់
ជំងឺស្ទះសរសៃឈាមក្នុងសួត៖ អ្នកជំងឺមានរោគសញ្ញាហត់ចុកទ្រូង ដែលច្រើនកើតចំពោះអ្នកដែលមានកត្តាប្រឈមដូចជា សម្រាកនៅពេទ្យយូរពុំសូវធ្វើចលនា ជំងឺមហារីក មានប្រវត្តិវះកាត់ថ្មីៗ ទើបឆ្លងទន្លេ ឬការប្រើប្រាស់ថ្នាំពន្យារកំណើត ជាដើម។