លោក Duterte ធ្វើដំណើរដ៏គួរឲ្យភ្ញាក់ផ្អើល ទៅជុំរុំកងទ័ពជិតសមរភូមិក្រុង Marawi

2017-07-08 03:49:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីហ្វីលីពីន លោក Rodrigo Duterte កាលពីថ្ងៃទី០៧ ខែកក្កដា ម្សិលមិញ បានធ្វើដំណើរទៅជុំរុំកងទ័ព នៅជិតសមរភូមិក្រុង Marawi ដែលជាកន្លែងកងទ័ពហ្វីលីពីន និងក្រុមសកម្មប្រយុទ្ធ IS កំពុងប្រយុទ្ធគ្នា។

តាមរយៈរូបភាព និងវីដេអូ លោក Duterte បានស្លៀកឯកសណ្ឋានយោធាហ្វីលីពីន និងបានស្ពាយកាំភ្លើងយន្តខ្នាតតូចនៅលើស្មារបស់លោកផងដែរ។

ក្រោយលោកចុះពីឧទ្ធម្ភាគចក្រ លោក Duterteបានដើរជាមួយមន្រ្តីយោធា និងជំនួយការរបស់នៅក្នុងជុំរុំកងទ័ព ដែលមានចម្ងាយប្រមាណ ២៥គីឡូម៉ែត្រ ពីសមរភូមិក្រុង Mararwi ដោយលោកបាននិយាយថា អាកាសធាតុមិនល្អ បានបញ្ឈប់រូបលោកមិនឲ្យហោះទៅតំបន់សមរភូមិក្នុងក្រុង Marawi បាន។

សូមបញ្ជាក់ថា សមរភូមិក្រុង Marawi បានឈានដល់សប្ដាហ៍ទី៦ ហើយ ដោយបានបណ្ដាលឲ្យក្រុមសកម្មប្រយុទ្ធ IS ចំនួន ៣៥៣នាក់បានស្លាប់ ប៉ូលិស និងទាហានហ្វីលីពីន ចំនួន ៨៧នាក់បានស្លាប់ និងជនស៊ីវិល ៣៩នាក់បានស្លាប់ផងដែរ៕

វីដេអូ លោក Duterte ធ្វើដំណើរទៅជុំរុំកងទ័ព នៅជិតសមរភូមិក្រុង Marawi

ប្រភព៖ Channelnewsasia ប្រែសម្រួល៖ វាសនា