តើអ្នកកើតជំងឺឆ្កួតជ្រូកមានចំនួនប៉ុន្មាននាក់នៅកម្ពុជា?

2017-10-27 02:19:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តាមទិន្នន័យរបស់អង្គការសុខភាពពិភពលោក បានបង្ហាញថា អ្នកជំងឺឆ្កួតជ្រូក ឬជំងឺអេពីឡឹបស៊ី នៅប្រទេសកម្ពុជា មានចំនួន ១០ម៉ឺននាក់ ខណៈនៅលើពិភពលោកមានអ្នកជំងឺឆ្កួតជ្រូកសរុបយ៉ាងតិច ៥០ម៉ឺននាក់។ នេះបើយោងតាមការបញ្ជាក់របស់លោក ម៉ម ប៊ុនហេង កាលពីព្រឹកថ្ងៃទី២៦ ខែតុលា ឆ្នាំ២០១៧។

លោករដ្ឋមន្ត្រីក្រសួងសុខាភិបាលរូបនេះ បញ្ជាក់ទៀតថា ពេលបច្ចុប្បន្ន ប្រទេសក្នុងតំបន់អាស៊ីអាគ្នេយ៍កំពុងប្រឈមមុខនឹងការការពារ ការត្រួតពិនិត្យ និងការព្យាបាលជំងឺឆ្កួតជ្រូក ដែលជាបន្ទុកសុខភាពសាធារណៈនៅទូទាំងពិភពលោក។ នៅប្រទេសកម្ពុជា ជាការឆ្លើយតបក្រសួងសុខាភិបាល បានរួមសហការជាមួយ មន្ទីរពេទ្យសកលវិទ្យាល័យវិទ្យាសាស្ត្រសុខាភិបាល សមាគមប្រាសាទសាស្ត្រកម្ពុជា សមាគមប្រយុទ្ធប្រឆាំង នឹងអេពីឡឹបស៊ីកម្ពុជា និងភាគីបារាំងតាមរយៈវគ្គបណ្ដុះបណ្ដាលគ្រូពេទ្យ អំពីជំងឺឆ្កួតជ្រូក នៅទូទាំងប្រទេស។

ជំងឺឆ្កួតជ្រូក គឺជាជំងឺម្យ៉ាងដែលមានអាការៈសន្លប់បាត់ស្មារតី ហើយប្រកាច់បែកពពុះមាត់ដួលភ្លាមៗ។ ជំងឺនេះ ត្រូវបានអ្នកជំនាញផ្នែកវេជ្ជសាស្ត្រ លើកឡើងថា ជាការបញ្ចេញនូវសញ្ញាធ្ងន់ធ្ងរ និងមិនធម្មតានៃប្រព័ន្ធចរន្តខួរក្បាលបណ្ដាលឲ្យប្រកាច់កន្ត្រាក់រមួលខ្លួន។ ការប្រកាច់នេះ អាចកើតឡើងដដែលៗក្នុងពេលជាក់លាក់ណាមួយ។ ក្នុងករណីខ្លះ ការប្រកាច់កើតឡើងភ្លាមៗក្នុងរយៈពេលខ្លីដោយសារការបញ្ចេញចរន្តកម្តៅលើសលប់ពេក នៅក្នុងកោសិការបស់ខួរក្បាល (កោសិកាប្រសាទ)៕

ប្រភព៖ Vayo Fm ប្រែសម្រួល៖ ឈាង.