បក្សមូលដ្ឋាន ដាក់លក្ខខណ្ឌមុនសម្រេចចូលរួមក្នុង "ឧត្តមក្រុមប្រឹក្សាពិគ្រោះ និងផ្តល់យោបល់"

2018-08-29 01:55:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានគណៈកម្មាធិការនាយកនៃគណបក្សប្រជាធិបតេយ្យមូលដ្ឋាន លោកបណ្ឌិត យ៉ង សាំងកុមារ ដាក់លក្ខខណ្ឌ ៩ចំណុច មុននឹងសម្រេចពិចារណាចូលរួមក្នុង "ឧត្តមក្រុមប្រឹក្សាពិគ្រោះ និងផ្តល់យោបល់" ដែលផ្តួចផ្តើមឡើងដោយសម្តេចនាយករដ្ឋមន្រ្តី ហ៊ុន សែន។

លោកបណ្ឌិត យ៉ង សាំងកុមារ បានបញ្ជាក់ប្រាប់កាលពីថ្ងៃទី២៨ សីហាថា លក្ខខណ្ឌសំខាន់ៗមួយចំនួនដែលលោកបានដាក់ចេញ រួមមាន៖

សមាជិករបស់ឧត្ដមក្រុមប្រឹក្សានេះ មិនចាំបាច់មានឋានៈស្មើទេសរដ្ឋមន្ត្រី រដ្ឋមន្ត្រី ឬមន្ត្រីជាន់ខ្ពស់ក្នុងរដ្ឋាភិបាលនោះទេ។
គណបក្សនយោបាយ គួរទទួលបានការឧបត្ថម្ភពីថវិកាជាតិ ដែលបរិមាណថវិកានេះ គឺអាស្រ័យលើចំនួនសន្លឹកឆ្នោត ដែលគណបក្សនីមួយៗទទួលបានពីការបោះឆ្នោត។
ក្រៅពីនោះ លោកក៏ស្នើឲ្យមានការអនុញ្ញាតលើការស្ទង់មតិទៀងទាត់ក្នុងចំណោមប្រជាពលរដ្ឋ លើកម្រិតនៃការពេញចិត្ត ឬមិនពេញចិត្តលើការដឹកនាំរបស់រដ្ឋាភិបាល ការស្ទង់មតិលើសេចក្ដីព្រាងច្បាប់នានា ការរៀបចំឲ្យមានការបោះឆ្នោតជ្រើសរើសអភិបាលរាជធានី ខេត្ត ក្រុង ជាដើម។
ជាមួយគ្នានេះ លោកក៏ស្នើឲ្យមានការលើកស្ទួយតួនាទី និងសេរីភាពប្រព័ន្ធផ្សព្វផ្សាយ និងអង្គការសង្គមស៊ីវិល ព្រមទាំងមានការដោះលែងអ្នកទោសមនសិការទាំងអស់ផងដែរ។

លោក យ៉ង សាំងកុមារ ថ្លែងទៅកាន់អ្នកសារព័ត៌មានក្នុងពេលចុះឃោសនាបោះឆ្នោតឆ្នាំ២០១៨ នៅថ្ងៃបញ្ចប់យុទ្ធនាការ

គិតមកទល់ពេលនេះ ក្នុងចំណោមគណបក្សនយោបាយចំនួន១៩ ដែលបានចូលរួមក្នុងព្រឹត្តិការណ៍បោះឆ្នោតកាលពីថ្ងៃទី២៩ កក្កដា មានគណបក្សចំនួន ២ ប៉ុណ្ណោះ ដែលរក្សាជំហរច្បាស់លាស់មិនចូលរួមក្នុង "ឧត្ដមក្រុមប្រឹក្សាពិគ្រោះ និងផ្តល់យោបល់" នេះ ក្នុងនោះមាន គណបក្សសម្ព័ន្ធដើម្បីប្រជាធិបតេយ្យ ( LDP ) និងគណបក្សខ្មែរឈប់ក្រ ខណៈគណបក្សប្រជាធិបតេយ្យមូលដ្ឋាន ( GDP ) និងគណបក្សមាតុភូមិយើង ហាក់បង្ហាញជំហរមិនច្បាស់លាស់ ដោយនៅបើកចំហពីលទ្ធភាពនៃការចូលរួមក្នុងយន្តការនេះ៕

អត្ថបទទាក់ទង៖

ប្រភព៖ Radio Free Asia ប្រែសម្រួល៖ សំភី