សម្ដេច ហ៊ុន សែន ឲ្យ "ឧត្តមក្រុមប្រឹក្សាពិគ្រោះ និងផ្ដល់យោល់" ផ្ដល់យោបល់លើច្បាប់មួយមុនគេ

2018-08-23 02:14:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេចនាយករដ្ឋមន្រ្តី ហ៊ុន សែន នៅថ្ងៃទី២៣ ខែសីហា ២០១៨នេះ បានលើកឡើងថា "ឧត្តមក្រុមប្រឹក្សាពិគ្រោះ និងផ្ដល់យោល់" នឹងចូលរួមផ្ដល់យោបល់មុនគេ លើច្បាប់ស្ដីពីគ្រប់គ្រងថវិកាជាតិឆ្នាំ២០១៩។ សម្ដេចតេជោបញ្ជាក់ថា ការចូលរួមនេះ ទោះបីជាព្រះរាជក្រឹត្យរៀបចំ "ឧត្តមក្រុមប្រឹក្សាពិគ្រោះ និងផ្ដល់យោល់" បានធ្វើរួចរាល់ទាន់ពេល ឬមិនទាន់ពេលពិភាក្សាក៏ដោយ។

សម្ដេច ហ៊ុន សែន ថ្លែងអំឡុងជួបជាមួយថ្នាក់ដឹកនាំគណបក្សនយោបាយ១៦ នៅវិមានសន្ដិភាព

ការលើកឡើងរបស់សម្ដេចនាយករដ្ឋមន្រ្តី បានធ្វើឡើងក្នុងពិធីចុះជួបសំណេះសំណាលជាមួយកម្មករ ១៧៥០៣នាក់ មកពីរោងចក្រ សហគ្រាសចំនួន១២ នៅក្នុងភូមិព្រែកត្រែង២ ឃុំសំរោងធំ ស្រុកកៀនស្វាយ ខេត្តកណ្តាល នៅថ្ងៃទី២៣ ខែសីហា ២០១៨នេះ។

សូមបញ្ជាក់ថា សម្តេច ហ៊ុន សែន កាលពីថ្ងៃទី២១ ខែសីហា ២០១៨ កន្លងទៅបានជួបថ្នាក់ដឹកនាំគណបក្សនយោបាយចំនួន១៦ នៅវិមានសន្ដិភាព និងបានផ្តួចផ្តើមគំនិត និងពន្យល់ពីហេតុផលនៃការបង្កើត “ឧត្តមក្រុមប្រឹក្សាពិគ្រោះ និងផ្តល់យោបល់” ដែលជាយន្តការចូលរួមឆ្លើយតប និងផលប្រយោជន៍ប្រជាពលរដ្ឋ។ យន្តការនេះ អាចហៅកាត់ថា “ឧត្តមក្រុមប្រឹក្សាពិគ្រោះ និងផ្តល់យោបល់”៕

អត្ថបទ៖ វាសនា