ស៊ូ យ៉ាទី អាចជួយបឹងកេតដណ្ដើមពានរង្វាន់លីគកំពូលបាន នៅចុងសប្ដាហ៍នេះ

2017-12-26 08:26:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកចាំទី ស៊ូ យ៉ាទី នឹងអាចចូលលេងឲ្យក្លឹបបឹងកេត ទល់នឹងក្លឹបក្រសួងការពារជាតិ ក្នុងវគ្គជម្រុះផ្តាច់ព្រ័ត្រលីគកំពូលកម្ពុជា ដែលគ្រោងធ្វើឡើងនាថ្ងៃសៅរ៍ ទី៣០ ខែធ្នូ ឆ្នាំ២០១៧ខាងមុខនេះ។

ស៊ូ យ៉ាទី បានរងរបួសត្រង់ចង្កេះ ដោយសារប៉ះទង្គិចជាមួយកីឡាកររបស់ក្លឹប Sanna Khanh Hoa BVN កាលពីជើងទីពីរ វគ្គជម្រុះពានរង្វាន់ 2017 Toyota Mekong Club Champion នៅពហុកីឡដ្ឋានជាតិ កាលពីសប្ដាហ៍កន្លងទៅ។ រូបគេត្រូវបានបញ្ជូនទៅកាន់មន្ទីរពេទ្យដោយសារអាការៈរបួស ហាក់មានសភាពធ្ងន់ធ្ងរ។

យ៉ាងណាមិញ លោក ហៅ សុជាតិ គ្រូបង្វឹកបឹងកេត បានអះអាងថា ស៊ូ យ៉ាទី អាចត្រឡប់មកជួយក្រុមវិញ មុនការប្រកួតវគ្គផ្តាច់ព្រ័ត្រ លីគកំពូល នាចុងសប្ដាហ៍នេះ។ លោកបានប្រាប់ទៅកាន់សារព័ត៌មាន TheMorning ថា៖ «យ៉ាទី អាចលេងបាន»។ ប៉ុន្តែ រូបគេមិនអាចបង្ហាញខ្លួនក្នុងជំនួបដណ្ដើមយកលេខ៣ ពានរង្វាន់ Hun Sen Cup ទល់នឹងក្លឹបអគ្គិសនីកម្ពុជា នាថ្ងៃទី២៧ ខែធ្នូ ឆ្នាំ២០១៧ បានឡើយ៕

អត្ថបទ៖ លាភ.