សម្ដីគ្រូតារបស់ Man Utd លើ Jesse Lingard កាលឆ្នាំ២០១២ កំពុងក្លាយជាការពិត

2018-01-04 04:23:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Sir Alex Ferguson អតីតអ្នកចាត់ការកំពូលក្នុងប្រវត្តិសាស្ត្ររបស់ក្រុមបិសាចក្រហម Manchester United ធ្លាប់និយាយពីកីឡាករ Jesse Lingard នៅក្នុងឆ្នាំចុងក្រោយ ដែលលោកដឹកនាំ កាលពីឆ្នាំ២០១២។ សម្ដីរបស់លោកនោះ ត្រូវគេយល់ថា កំពុងក្លាយជាការពិតនៅក្នុងឆ្នាំ២០១៧នេះ។

Jesse Lingard

***«Jesse Lingard នឹងក្លាយជាកីឡាករដ៏ល្អម្នាក់។ គេទើបមានអាយុ១៩ឆ្នាំ ដែលចេញពីថ្នាលរបស់ពួកយើង ហើយប្រៀបដូចជា Jean Tigana (អតីតកីឡាករជម្រើសជាតិ) របស់បារាំង។ ប៉ុន្តែគេ (Jean Tigana) មិនទាន់ល្អទេ ដល់តែអាយុ២៤ឆ្នាំ។ ហើយខ្ញុំគិតថា Lingard ក៏អ៊ីចឹងដែរ»***។ Sir Alex និយាយដូច្នេះ នៅពេល Lingard ជាយុវជនមួយរូបនៅឡើយ។

Sir Alex

Jesse Lingard ដែលកំពុងឡើងទម្រង់បច្ចុប្បន្ន បានស៊ុត ២គ្រាប់ ក្នុងជំនួបដែល Man Utd យកឈ្នះ Everton ០-២ នៅកីឡដ្ឋាន Goodison Park កាលពីថ្ងៃឆ្លងឆ្នាំ២០១៧។ មកទល់ពេលនេះ កីឡាករវ័យ២៥ឆ្នាំដដែល រកបាន ៧គ្រាប់ក្នុងការបង្ហាញខ្លួន ១៨ប្រកួតនៅ EPL ។ តួលេខនេះ មានន័យថា រដូវកាល២០១៧-១៨ គឺជាកំណត់ត្រាល្អជាងគេរបស់ Lingard បើធៀបនឹងរដូវកាល២០១៦-១៧ រកបាន ១គ្រាប់ ក្នុង២៥ប្រកួត និង រដូវកាល២០១៥-១៦ រកបាន ៤គ្រាប់ក្នុង ២៥ប្រកួត៕