ផ្លូវការ៖ ផ្លូវល្បឿនលឿនដំបូងបង្អស់នៅកម្ពុជា នឹងត្រូវសាងសង់ឆ្នាំនេះ

2018-01-11 06:23:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្លូវល្បឿនលឿនដំបូងបង្អស់នៅកម្ពុជា ពីភ្នំពេញ ទៅកាន់ខេត្តព្រះសីហនុ ត្រូវបានសម្រេចឲ្យសាងសង់ជាផ្លូវការ ក្រោមកិច្ចព្រមព្រៀងរវាងក្រសួងសាធារណៈការ និងក្រុមហ៊ុនចិន នៅក្នុងដំណើរទស្សនកិច្ចរបស់លោក លី ខឺឈាង នាយករដ្ឋមន្រ្ដីចិន នៅកម្ពុជា នាព្រឹកថ្ងៃទី១១ ខែមករានេះ។

លោក វ៉ាស៊ីម សូរិយា អ្នកនាំពាក្យក្រសួងសាធារណៈការ និងដឹកជញ្ជូន បានថ្លែងថា គម្រោងនេះអាចនឹងបើកការដ្ឋានសាងសង់នៅដើមឆ្នាំ២០១៨ នេះ។

ផ្លូវល្បឿនលឿននេះ នឹងត្រូវចំណាយថវិកាប្រមាណ១៩០០លានដុល្លារ ជាជំនួយរបស់រដ្ឋាភិបាលចិន។ ផ្លូវនេះ នឹងកាត់បន្ថយចម្ងាយពីភ្នំពេញ ទៅខេត្តព្រះសីហនុ មកត្រឹម ១៩០គីឡូម៉ែត្រ ដែលត្រូវចំណាយពេលធ្វើដំណើរ ត្រឹមរយៈពេល ២ម៉ោងប៉ុណ្ណោះ។

ប្លង់គំរូផ្លូវល្បឿនលឿន

លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ ធ្លាប់បានបញ្ជាក់ថា អ្នកធ្វើដំណើរតាមផ្លូវល្បឿនលឿននេះ មិនត្រឹមតែចំណេញពេលវេលា កាត់បន្ថយការកកស្ទះចរាចរណ៍ប៉ុណ្ណោះទេ ប៉ុន្តែថែមទាំងមានសុវត្ថិភាពខ្ពស់ទៀតផង។ ហើយអ្នកធ្វើដំណើរទាំងអស់ កុំបារម្ភមានគោក្របីឆ្លងកាត់ ព្រោះផ្លូវនេះបិទរបងជិត និងមានប្រព័ន្ធបច្ចេកវិទ្យាទំនើបដែលក្រុមហ៊ុនចិនកំពុងសិក្សា៕

រាយការណ៍៖ សុផល

អត្ថបទ៖ ស៊ិន សាវ៉េត