ជេរប្រធានាធិបតីឥណ្ឌូណេស៊ីនៅលើហ្វេសប៊ុក ត្រូវជាប់ពន្ធនាគារ

2018-01-17 01:25:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្មេងជំទង់ឥណ្ឌូណេស៊ីម្នាក់អាយុ ១៨ឆ្នាំ ត្រូវបានតុលាការកាត់ទោសកាលពីថ្ងៃទី១៦ ខែមករា ឆ្នាំ២០១៨ ឲ្យជាប់ពន្ធនាគាររយៈពេល ១៨ខែ ពីបទជេរប្រមាថប្រធានាធិបតីលោក Joko Widodo នៅលើបណ្តាញសង្គមហ្វេសប៊ុក។

លោក Joko Widodo ប្រធានាធិបតីឥណ្ឌូណេស៊ី

ក្មេងដែលជាសិស្សវិទ្យាល័យមួយ នៅក្នុងក្រុង Medan នៃកោះសូម៉ាត្រា រូបនេះ ត្រូវបានសមត្ថកិច្ច រកឃើញថាមានទោសដោយបានបំពានច្បាប់អ៊ីនធើណែតរបស់ឥណ្ឌូណេស៊ី ដោយការបង្ខូចកេរ្តិ៍ឈ្មោះ នៅលើបណ្តាញអនឡាញ។

តុលាការ បានបង្គាប់ឲ្យក្មេងជំទង់រូបនេះ បង់ប្រាក់ពិន័យ ៧០០ដុល្លារផងដែរ ហើយប្រសិនបើមិនបង់ទេ នោះក្មេងនេះនឹងជាប់ពន្ធនាគារបន្ថែម១ខែទៀត។ ក្មេងដែលត្រូវសមត្ថកិច្ចកំណត់ឈ្មោះថា MFB រូបនេះ ក៏បានទទួលយកសាលក្រមកាត់ទោស ហើយនិងមិនដាក់ពាក្យបណ្តឹងឧទ្ធរណ៍នោះដែរ។

ទង់ជាតិឥណ្ឌូណេស៊ី

គួរបញ្ជាក់ផងដែរថា MFB ត្រូវបានប៉ូលិសចាប់ខ្លួនកាលពីខែសីហា ឆ្នាំ២០១៧ បន្ទាប់ពីរូបគេបានប្រើប្រាស់គណនីក្លែងក្លាយបង្ហោះសារជេរប្រមាថ ប្រឆាំងនឹងលោក Widodo និងអគ្គស្នងការប៉ូលិសឥណ្ឌូណេស៊ី លោក Tito Karnavian៕

ប្រភព៖ Channelnewsasia ប្រែសម្រួល៖ សំភី