តុលាការមិនទាន់ឆ្លើយតបនឹងលិខិតរបស់លោក ម៉ៅ មុនីវណ្ណ នៅឡើយទេ

2018-01-17 07:01:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកម៉ៅ មុនីវណ្ណ អតីតអ្នកតំណាងរាស្ត្រគណបក្សសង្គ្រោះជាតិ នៅព្រឹកថ្ងៃទី១៧ ខែមករានេះ បានឱ្យដឹងថា សាលាដំបូងរាជធានីភ្នំពេញ នៅមិនទាន់ឆ្លើយតបទៅនឹងលិខិតរបស់លោក ដែលស្នើសុំជួបសួរសុខទុក្ខលោក កឹម សុខា នៅក្នុងពន្ធនាគារនៅឡើយទេ។

លោក កឹម សុខា និង លោក ម៉ៅ មុនីវណ្ណ នាពេលកន្លងមក

លោក ម៉ៅ មុនីវណ្ណ បន្តថា៖ “បើគេអនុញ្ញាតឲ្យចូលជួប ខ្ញុំនឹងរាយការណ៍ជូនគាត់ សួរយោបល់គាត់អំពីការប្រកាសរបស់ លោកសម រង្ស៊ី ក្នុងការបង្កើតចលនាសង្គ្រោះជាតិ... ”។ លោកបានបញ្ជាក់ទៀតថា លោកមិនគាំទ្រលោកសម រង្ស៊ី ក្នុងការបង្កើតចលនាសង្គ្រោះជាតិនោះទេ។

លោកម៉ៅ មុនីវណ្ណ អតីតអ្នកតំណាងរាស្ត្រគណបក្សសង្គ្រោះជាតិ (រូបថត៖ វេបសាយ vayofm.com)

លោកម៉ៅ មុនីវណ្ណ និង អតីតអ្នកតំណាងរាស្ត្រមួយចំនួនទៀត បានដាក់លិខិតជូនលោក គី ឫទ្ធី ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី១៦ ខែមករា ឆ្នាំ២០១៨ ដើម្បីស្នើសុំចូលជួបលោកកឹម សុខា នៅពន្ធនាគារត្រពាំងផ្លុង នៅថ្ងៃទី១៩ ខែមករា ឆ្នាំ២០១៨ ខាងមុខនេះ។

ជុំវិញរឿងនេះ លោកលី សុផាណា អ្នកនាំពាក្យសាលាដំបូងរាជធានីភ្នំពេញ ដែលត្រូវបានដកស្រង់សម្តីដោយវេបសាយ vayofm.com បានឱ្យដឹងថា បច្ចុប្បន្នលិខិតស្នើសុំនេះ ត្រូវបានបញ្ជូនទៅចៅក្រមស៊ើបសួររួចហើយ។ ប៉ុន្តែពេលវេលាដើម្បីឆ្លើយតប នៅមិនទាន់អាចកំណត់ជាក់លាក់នៅឡើយទេ៕

អត្ថបទ៖ ឃុត សុខឿន