Barcelona ត្រូវ Espanyol បញ្ចប់ភាពមិនធ្លាប់ចាញ់ត្រឹម២៩ប្រកួត នៅ Copa del Rey
- 2018-01-17 23:03:09
- ចំនួនមតិ 0 | ចំនួនចែករំលែក 0
Barcelona ត្រូវ Espanyol បញ្ចប់ភាពមិនធ្លាប់ចាញ់ត្រឹម២៩ប្រកួត នៅ Copa del Rey
ចន្លោះមិនឃើញ
ក្រុមអ្នកមានបុណ្យ Barcelona បានស្គាល់ពាក្យថាចាញ់ជាលើកដំបូងក្នុងរដូវកាលនេះ បន្ទាប់ពីទទួលបរាជ័យក្រោមថ្វីជើងក្រុម Espanyol ដោយលទ្ធផល ១-០ ក្នុងការប្រកួតជើងទីមួយ ពានរង្វាន់ Copa del Rey កាលពីយប់មិញ។
Lionel Messi មានឱកាសស៊ុតប៉េណាល់ទីមួយគ្រាប់ តែធ្វើឲ្យខកខានវិញ ព្រោះអ្នកចាំទី Diego Lopez របស់ Espanyol ជួយសង្គ្រោះបាន នៅនាទី៦២។ Barcelona បានភ្លាត់នៅចុងម៉ោងនាទី៨៨ បន្ទាប់ពី Marc Navarro បញ្ជូនឲ្យ Melendo ស៊ុតបំប៉ោងសំណាញ់ទីបានសម្រេច។
ក្រុមទាំងពីរនឹងត្រូវជួបគ្នានៅជើងទីពីរ នៅកីឡដ្ឋាន Nou Camp ថ្ងៃទី២៦ ខែមករា ឆ្នាំ២០១៨។
សូមបញ្ជាក់ថា មុនការប្រកួត Barcelona មិនទាន់ស្គាល់ពាក្យថាចាញ់នោះទេ ដោយគិតចាប់ពីក្របខ័ណ្ឌ La Liga, Champions League និងពានរង្វាន់ Copa del Rey នាពេលកន្លងទៅ៕