ព្រឹត្តិការណ៍កីឡាជាតិឆ្នាំនេះ កើនទាំងចំនួនប្រភេទកីឡា និង ប្រាក់រង្វាន់

2018-01-18 08:24:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមតារាងកម្មវិធីប្រកួតព្រឹត្តិការណ៍កីឡាជាតិលើកទី២ បានឲ្យដឹងថា ឆ្នាំ២០១៨នេះ គណៈកម្មការរៀបចំបានដាក់កីឡាសម្រាប់ធ្វើការប្រកួតប្រជែង ចំនួន ២៧ ប្រភេទឯណោះ ដែលចំនួននេះមានការកើនឡើង ១២វិញ្ញាសា បើធៀបនឹងកីឡាជាតិលើកទី១ កាលពីឆ្នាំ២០១៦ ដែលមានត្រឹមតែ ១៥ប្រភេទកីឡាប៉ុណ្ណោះ។

ចំពោះប្រាក់រង្វាន់វិញ ម្ចាស់មេដាយមាសឆ្នាំនេះ នឹងទទួលបាន ៨០ម៉ឺនរៀល បើធៀបនឹងកីឡាជាតិលើកទីមួយ ទទួលបាន ១៥ម៉ឺនរៀល។ រីឯ ម្ចាស់មេដាយប្រាក់ឆ្នាំនេះ ទទួលបាន ៦០ម៉ឺនរៀល និងមេដាយសំរឹទ្ធទទួលបាន ៤០ម៉ឺនរៀល។

ព្រឹត្តិការណ៍កីឡាជាតិ ត្រូវរៀបចំឡើងក្នុងរយៈពេល ២ឆ្នាំម្ដង ដើម្បីឲ្យសហព័ន្ធទាំងអស់បានត្រៀមខ្លួនសម្រាប់ព្រឹត្តិការណ៍កីឡាស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ព្រឹត្តិការណ៍នេះ គឺយកលំនាំដូចទៅនឹងកីឡាស៊ីហ្គេមដែរ ដោយមានពិធីបើក និងពិធីបិទ៕