មហាសេដ្ឋីចិន ភាគច្រើនរកស៊ីនៅលើវិស័យទាំង ៣ នេះ

2018-01-30 09:51:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមរបាយការណ៍របស់សារព័ត៌មាន Jiemian ដែលចេញកាលពីថ្ងៃទី២៩ ខែមករា ឆ្នាំ២០១៨ បានឲ្យដឹងថា វិស័យ ៣ របស់ចិន ដែលមានចំនួនមហាសេដ្ឋីច្រើនបំផុតគឺ ជីវបច្ចេកវិទ្យា អចលនទ្រព្យ និងការដំឡើងគ្រឿងអេឡិចត្រូនិក។

តាមបញ្ជីរបស់ Jiemian គឺ វិស័យជីវបច្ចេកវិទ្យាចិន មានមហាសេដ្ឋីចំនួន ១០៥នាក់ វិស័យអចលនទ្រព្យ មាន ៩២នាក់ និងវិស័យដំឡើងឧបករណ៍អេឡិចត្រូនិកចិន មានមហាសេដ្ឋី ចំនួន ៧៥នាក់។ ចំណែក វិស័យគីមី ស្ថិតនៅលេខ ៤ មានមហាសេដ្ឋី ៧៤ និង IT ឈរនៅលេខ៥ មាន ៥៥នាក់។

លោក Pony Ma Huateng

ទោះជាយ៉ាងនេះក្ដី មហាសេដ្ឋីលំដាប់កំពូលទាំង៣ រូប នៅប្រទេសចិន មិនមែនមកពីវិស័យខាងលើទាំងអស់ឡើយ។ ក្នុងនោះ លោក Pony Ma Huateng ស្ថាបនិកក្រុមហ៊ុន Tencent ផ្នែកផ្ដល់សេវាអ៊ីនធឺណិត កម្សាន្ត និងបច្ចេកវិទ្យា AI នៅចិននិងសកលលោក មានទ្រព្យសម្បត្តិ ៤៤,៥ ពាន់លានដុល្លារអាមេរិក ដោយឈរនៅលេខ១ ខណៈលោក Xu Jiayin ប្រធានក្រុមហ៊ុនអចលនទ្រព្យ Evergrande Group ឈរលេខ២ មានទ្រព្យសម្បត្តិ ៤១ ពាន់លានដុល្លារ។ ចំណែកលោក Jack Ma ស្ថាបនិកក្រុមហ៊ុនលក់ផលិតផលអនឡាញ Alibaba នៅលេខ៣ មាន ៣៤ ពាន់លានដុល្លារអាមេរិក។