ឧបនាយករដ្ឋមន្ត្រីថៃ៖ "បើពលរដ្ឋថៃមិនត្រូវការខ្ញុំ នោះខ្ញុំនឹងលាឈប់"

2018-01-31 23:24:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Prawit Wongsuwon ឧបនាយករដ្ឋមន្ត្រីថៃ និងជារដ្ឋមន្ត្រីការពារជាតិ បានមានប្រសាសន៍កាលពីម្សិលមិញថា លោកនឹងលាឈប់ ប្រសិនបើប្រជាពលរដ្ឋថៃ លែងត្រូវការលោក និងចង់ឲ្យលោកចុះចេញពីតំណែង។

លោក Prawit Wongsuwon

លោក Prawit បានថ្លែងក្នុងកិច្ចប្រជុំមួយកាលពីថ្ងៃទី៣១ ខែមករា ឆ្នាំ២០១៨ថា ចាប់តាំងពី១៩៦៨ ពោលគឺរយៈពេល ៥០ឆ្នាំកន្លងមកនេះ លោកមិនធ្លាប់មានជាប់ពាក់ព័ន្ធនឹងរឿងអាស្រូវធ្ងន់ធ្ងរណាមួយឡើយ។ លោកបញ្ជាក់ថា៖ ***«តើអ្នកធ្លាប់ឃើញខ្ញុំធ្វើឲ្យប្រទេសនេះអាប់ឱនដែរឬទេ? ខ្ញុំនៅទីនេះពីព្រោះខ្ញុំចង់បម្រើដល់ប្រទេសជាតិរបស់ខ្ញុំ។ បើពលរដ្ឋថៃមិនត្រូវការខ្ញុំ នោះខ្ញុំនឹងលាឈប់»***។

គួររំឭកថា លោក Prawit កំពុងជាប់ក្នុងការសង្ស័យរបស់អង្គភាពប្រឆាំងអំពើពុករលួយថៃ លើករណីប្រើប្រាស់នាឡិកាស៊េរីទំនើបៗដែលមានតម្លៃថ្លៃ។ ប៉ុន្តែ លោកបានបដិសេធថា នាឡិកាទាំងនោះ គឺលោកខ្ចីគេប្រើតែប៉ុណ្ណោះ៕

ប្រភព៖ Bangkokpost ប្រែសម្រួល៖ លាភ.