Sanchez រកគ្រាប់បាល់ទី១ ជួយឲ្យ Man Utd យកឈ្នះ Huddersfield
- 2018-02-04 01:28:54
- ចំនួនមតិ 0 | ចំនួនចែករំលែក 0
Sanchez រកគ្រាប់បាល់ទី១ ជួយឲ្យ Man Utd យកឈ្នះ Huddersfield
ចន្លោះមិនឃើញ
Alexis Sanchez រកបានគ្រាប់បាល់ទី១ ឲ្យ Manchester United យកឈ្នះក្រុមភ្ញៀវ Huddersfield Town ដោយលទ្ធផល ២-០ ក្នុងក្របខណ្ឌ Premier League កាលពីយប់មិញ បន្ទាប់ពីរូបគេទើបតែផ្ទេរមកពី Arsenal កាលពីខែមករា។ គ្រាប់បាល់នេះ ធ្វើបាននៅនាទី៦៨ ជាបាល់ដែល Sanchez ស៊ុតបន្ថែម ក្រោយស៊ុតប៉េណាល់ទីមិនចូល ចំណែក ១គ្រាប់ទៀត គឺធ្វើបានដោយ Lukaku នៅនាទី ៥៥។
លទ្ធផលនេះ បានធ្វើឲ្យ Man Utd បន្តស្ថិតនៅចំណាត់ថ្នាក់ទី២ ក្នុងតារាងដដែលដោយមាន ៥៦ពិន្ទុ តាមពីក្រោយក្រុម Man City ដែលមាន ៦៩ពិន្ទុ។ ចំណែក Huddersfield ស្ថិតក្នុងតំបន់គ្រោះថ្នាក់ គឺនៅចំណាត់ថ្នាក់ទី១៩ មាន ២៤ពិន្ទុ។
គួររំលឹកថា កាលពីសប្តាហ៍មុន ខ្សែបម្រើ Alexis Sanchez ក៏ត្រូវបានជ្រើសរើសជាកីឡាករល្អជាងគេក្នុងការប្រកួត (Man-of-the-Match) ដោយបានបង្ហាញខ្លួនជាលើកដំបូង និងបានជួយឲ្យក្រុមបិសាចក្រហម Manchester United បំបាក់ក្រុម Yeovil ៤-០ ក្នុងជុំទី៤ ពានរង្វាន់ FA Cup ផងដែរ៕
សូមទស្សនាវីដេអូ Highlight៖