ខ្សែការពារ At. Madrid បាក់ធ្មេញមួយក្រាស់ មុនត្រូវប្ដូរចេញ
- 2018-02-05 09:32:34
- ចំនួនមតិ 0 | ចំនួនចែករំលែក 0
ខ្សែការពារ At. Madrid បាក់ធ្មេញមួយក្រាស់ មុនត្រូវប្ដូរចេញ
ចន្លោះមិនឃើញ
ខ្សែការពារ Diego Godin របស់ក្លឹប Atletico Madrid ត្រូវបានប្ដូរចេញភ្លាមៗ បន្ទាប់ពីបាក់ធ្មេញមួយក្រាស់ ដោយសារការប៉ះទង្គិចជាមួយអ្នកចាំទី Neto របស់ក្រុម Valencia ក្នុងការប្រកួតយប់មិញ។
អ្នកចាំទីសញ្ជាតិប្រេស៊ីលខាងលើ បានចេញមកចាប់បាល់ ហើយដៃបានបុកនឹងមុខរបស់ Godin ពេញមួយទំហឹង បណ្ដាលបាក់ធ្មេញជាច្រើន។ បើតាមវីដេអូសាឡើងវិញ បានបង្ហាញយ៉ាងច្បាស់ពីការប៉ះទង្គិចនេះ។
របួសរបស់កីឡាករសញ្ជាតិអ៊ុយរុយហ្គាយខាងលើ បានធ្វើឲ្យក្រុមរបស់លោក Diego Simeone ជួបការលំបាកនៅក្នុងតំបន់ការងារ បន្ទាប់ពីខ្សែការពារ Stefan Savic ក៏ទទួលរងរបួស ក្នុងការប្រកួតនោះដូចគ្នា។
ក្នុងការប្រកួតដដែល At. Madrid បានយកឈ្នះក្រុមភ្ញៀវ Valencia ដោយលទ្ធផល ១-០ បន្តឈរលេខ២ មាន ៤៩ពិន្ទុ តាមពីក្រោយ Barcelona ចំនួន ៥៨ពិន្ទុ គិតត្រឹមសប្ដាហ៍ទី២២៕