លោក ប្រាក់ សុវណ្ណារ៉ា សល់ភារកិច្ចមួយទៀតជាមួយក្រុមជម្រើសជាតិ

2018-02-06 06:24:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើតាមការបញ្ជាក់របស់លោក ប្រាក់ សុវណ្ណារ៉ា បានឲ្យដឹងថា លោកនឹងដើរតួនាទីជាគ្រូបង្វឹកក្រុមជម្រើសជាតិកម្ពុជា ចំនួន ១ប្រកួតទៀត ពោលគឺការប្រកួតជាមួយក្រុមអាហ្វហ្គានីស្ថាន នាខែមីនា ឆ្នាំ២០១៨ ខាងមុខនេះ ក្នុងវគ្គជម្រុះពានរង្វាន់ 2019 AFC Asian Cup ដែលជាការប្រកួតបង្គ្រប់កិច្ច បន្ទាប់ពីកម្ពុជាបានបាត់បង់ឱកាសឡើងទៅវគ្គបន្តទៅហើយ។

ក្រោយពីការចាកចេញរបស់លោក Leonado Vitorino សហព័ន្ធកីឡាបាល់ទាត់កម្ពុជាបានប្រកាសយកលោក ប្រាក់ សុវណ្ណារ៉ា មកដឹកនាំក្រុមក្នុង ២ប្រកួត ២ប្រកួត កាលពីឆ្នាំ២០១៧កន្លងទៅ។ ពេលនោះ គ្រូបង្វឹករូបនេះ បានដឹកនាំក្រុមជម្រើសជាតិកម្ពុជាចាញ់មីយ៉ាន់ម៉ា ២-១ ក្នុងប្រកួតមិត្តភាព និងចាញ់ក្រុមហ្សកដានី ១-០ ក្នុងវគ្គជម្រុះជើងឯកប្រចាំទ្វីបអាស៊ី AFC Asian Cup ប្រចាំពូល C។

ឆ្លងកាត់ ៥ប្រកួតកន្លងទៅ ក្នុងពូល C វគ្គជម្រុះ AFC Asian Cup ក្រុមជម្រើសជាតិកម្ពុជា ឈ្នះ១ និង ចាញ់៤ ។ ចំណែក ក្រុមអាហ្វហ្គានីស្ថាន មិនធ្លាប់ស្គាល់ពាក្យថាឈ្នះឡើយ តែស្មើ ៣ លើក។ ក្រុមដែលត្រូវឡើង គឺ ហ្សកដានី និង វៀតណាម៕

អត្ថបទ៖ មុន្នីរម្យ