ក្រសួងអប់រំចេញវិធានការ ៤ចំណុច ទប់ស្កាត់សកម្មភាពមិនប្រក្រតីរបស់សិស្ស ថ្ងៃបុណ្យនៃក្ដីស្រឡាញ់
- 2018-02-06 12:41:11
- ចំនួនមតិ 0 | ចំនួនចែករំលែក 0
ក្រសួងអប់រំចេញវិធានការ ៤ចំណុច ទប់ស្កាត់សកម្មភាពមិនប្រក្រតីរបស់សិស្ស ថ្ងៃបុណ្យនៃក្ដីស្រឡាញ់
ចន្លោះមិនឃើញ
ក្រសួងអប់រំ យុវជន និងកីឡា បានចេញសេចក្ដីណែនាំ នាថ្ងៃទី៦ ខែកុម្ភៈនេះ ស្ដីពីវិធានការទប់ស្កាត់សកម្មភាពមិនប្រក្រតី ក្នុងទិវាបុណ្យនៃក្ដីស្រឡាញ់ នៅតាមគ្រឹស្ថានសិក្សាសាធារណៈ និងឯកជន ដោយមាន ៤ចំណុច ដូចខាងក្រោម៖
គ្រឹស្ថានសិក្សាសាធារណៈ និងឯកជន ត្រូវផ្សព្វផ្សាយដល់សិស្សានុសិស្សតាមគ្រប់មធ្យោបាយ កុំឲ្យមានការយល់ខុសពីអត្ថន័យនៃទិវាបុណ្យនៃក្ដីស្រឡាញ់
ត្រូវពង្រឹងការអនុវត្តបទបញ្ជាផ្ទៃក្នុងរបស់គ្រឹះស្ថានសិក្សាសាធារណៈឲ្យបានម៉ឺងម៉ាត់ ជាពិសេសតាមដានអវត្តមានរបស់សិស្សានុសិស្សជាប្រចាំ
ត្រូវជំរុញដំណើការរបស់ក្រុមប្រឹក្សាយុវជន ក្រុមប្រឹក្សាកុមារប្រចាំសាលា ដោយអនុវត្តសកម្មភាព មិត្តអប់រំមិត្ត
ត្រូវធ្វើទំនាក់ទំនងជិតស្និទ្ធជាមួយមាតាបិតា អាណាព្យាបាលសិស្ស សហគមន៍ ដើម្បីផ្ដល់ និងទទួលព័ត៌មាននានាពាក់ព័ន្ធនឹងសកម្មភាពមិនប្រក្រតី ដែលប្រព្រឹត្តដោយសិស្សានុសិស្ស ដើម្បីសហការគ្នា អប់រំ ណែនាំ កែលម្អសិស្ស បានទាន់ពេលវេលា។
ក្រសួងក៏បានបញ្ជាក់ថា ការចេញវិធានការណ៍នេះ គឺក្រោយពីក្រសួងបានសង្កេតឃើញថា ជារៀងរាល់ឆ្នាំ នៅថ្ងៃទី១៤ កុម្ភៈ ជាថ្ងៃដែលសិស្សមួយចំនួន យល់ច្រឡំថាជាថ្ងៃបុណ្យសង្សារ ដើម្បីណាត់ជួបគ្នាគូស្នេហ៍ ហើយមានយុវវ័យខ្លះទៀត ភ្លើតភ្លើន រហូតភ្លេចការសិក្សា៕