Duterte បញ្ជាឲ្យកិនកម្ទេចរថយន្តទំនើប តម្លៃសរុបជាង១លានដុល្លារ

2018-02-07 04:26:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Rodrigo Duterte ប្រធានាធិបតីហ្វីលីពីន ថ្មីៗនេះបានបញ្ជាឲ្យការិយាល័យគយ ធ្វើការកិនកម្ទេចរថយន្តស៊េរីទំនើបប្រហែល ៣០គ្រឿង ដែលត្រូវបាននាំចូលដោយខុសច្បាប់ ទៅកាន់ប្រទេសមួយនេះ។

ក្នុងការកម្ទេចពីម្សិលមិញ រថយន្តប្រហែល ២០គ្រឿង មានតម្លៃជាង ១,២លានដុល្លារអាមេរិក ត្រូវបានបំផ្លាញចោលដោយរថយន្តប៊ុលដូហ្ស័រ (រថយន្តឈូសឆាយដី) បើកកិន នៅទីលានក្នុងបរិវេណការិយាល័យគយរបស់ហ្វីលីពីន ខណៈ១០គ្រឿងទៀត ត្រូវបានកម្ទេចចោលនៅកំពង់ផែទីក្រុង Davao និង Cebu ។ នេះបើតាមការចុះផ្សាយរបស់សារព័ត៌មាន SunStar ហ្វីលីពីន។

រថយន្តស៊េរីទំនើបទាំងនោះ មានដូចជា ឡិចស៊ីស, BMW, Marcedes Benz, អូឌី, Jaguar, Corvette Stringray និងរថយន្តផ្សេងៗទៀត។ ការកម្ទេចនេះ ត្រូវបានអនុវត្តតាមយុទ្ធនាការប្រយុទ្ធប្រឆាំងនឹងការជួញដូររថយន្តខុសច្បាប់ របស់លោក Duterte ។

តាមរបាយការណ៍របស់ការិយាល័យគយហ្វីលីពីន បានឲ្យដឹងថា ក្នុងឆ្នាំ២០១៧ ហ្វីលីពីន បានរឹបអូសរថយន្តនាំចូលខុសច្បាប់ មានតម្លៃសរុបជិត ៣លានដុល្លារអាមេរិក និងទំនិញខុសច្បាប់ ដែលមានតម្លៃជាង ៨៦០ លានដុល្លារអាមេរិក៕

រូបភាព៖ EPA

ប្រភព៖ Dailymail | ABC News ប្រែសម្រួល៖ លាភ.