សណ្ឋាគារកាំបូឌីយ៉ាណា អាចប្រែក្លាយទៅជាអគារខ្ពស់បំផុតលំដាប់ទី៤ ក្នុងលោក

2018-02-09 07:39:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគារនៃសណ្ឋាគារកាំបូឌីយ៉ាណា អាចនឹងត្រូវវាយចោល ដោយជំនួសវិញនូវអគារកម្ពស់ ៦០០ម៉ែត្រ។ នេះបើតាមការចុះផ្សាយរបស់ The Phnom Penh Post នាព្រឹកថ្ងៃទី៩ ខែកុម្ភៈនេះ។

លោកសេង ឡូត អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ បានថ្លែងប្រាប់ឲ្យដឹងនៅព្រឹកថ្ងៃទី៩ ខែកុម្ភៈនេះថា រដ្ឋាភិបាលបានអនុញ្ញាតជាគោលការណ៍ឲ្យក្រុមហ៊ុន រ៉ូយ៉ាល់គ្រុប សាងសង់សំណង់នៅទីតាំងសណ្ឋាគារ កាំបូឌីយ៉ាណា កំពស់ ៦០០ម៉ែត្រ។

លោកសេង ឡូត បញ្ជាក់ថា លោកមិនទាន់បានដឹងថា វាយអគារសណ្ឋាគារកាំបូឌីយ៉ាណា នឹងចាប់ផ្ដើមនៅពេលណានោះទេ។

សណ្ឋាគារកាំបូឌីយ៉ាណា ជាសណ្ឋាគារទំនើបលំដាប់អន្តរជាតិដំបូងបំផុតនៅកម្ពុជា ដែលត្រូវបានសម្ពោធដាក់ឲ្យប្រើប្រាស់នៅឆ្នាំ១៩៦៩ ប៉ុន្តែបានបិទទ្វាទៅវិញនៅឆ្នាំបន្ទាប់ នៅពេលលោកលន់ ណុល ធ្វើរដ្ឋប្រហារទម្លាក់ព្រះបាទសម្ដេចព្រះនរោត្តម សីហនុ។ នៅឆ្នាំ ២០០៥ ក្រុមហ៊ុន Royal Group របស់អ្នកឧកញ្ញ៉ាគិត ម៉េង បានទិញយកសណ្ឋាគារនេះ៕

អត្ថបទ៖ សោភា