បុណ្យទន្លេឆ្នាំ២០១៨ នឹងបែងចែកជា ៣សកម្មភាពសំខាន់ៗ

2018-02-14 03:53:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពិធីបុណ្យទន្លេលើកទី៤ នឹងត្រូវរៀបចំឡើងនៅក្នុងទីក្រុងតាខ្មៅ ទីរួមខេត្តកណ្ដាល ដែលមានរយៈពេលចំនួន ៣ថ្ងៃ រាប់ចាប់ពីថ្ងៃទី០៩ ដល់ថ្ងៃទី១១ ខែមីនា ឆ្នាំ២០១៨ខាងមុខ។ សកម្មភាពសំខាន់ៗចំនួន ៣ នៅក្នុងកម្មវិធីបុណ្យទន្លេឆ្នាំ២០១៨នេះ មានដូចជា៖

១. ការផ្សាយបន្តផ្ទាល់នូវការសម្ដែងទស្សនីយភាពសិល្បៈ ការប្រគំតន្ត្រី និងការបាញ់កាំជ្រួចអបអរសាទរពិធីបុណ្យទន្លេលើកទី៤ ព្រមទាំងក្បួនព្យុហយាត្រាលើទឹក

២. មហោស្រពអន្តរជាតិម្ហូបអាហារ ស្រា និងភេសជ្ជៈ ព្រមទាំងការបង្ហាញផលិតផលទេសចរណ៍ និងគម្រោងអភិវឌ្ឍន៍ទេសចរណ៍របស់ខេត្តតាមដងទន្លេ និងការតាំងពិព័រណ៍ផលិតផលកសិ-ទេសចរណ៍ និងផលិតផលក្នុងស្រុក

៣. សកម្មភាពកីឡាលើទឹក និងកីឡាលើឆ្នេរខ្សាច់ទន្លេ និងការចូលរួមសម្ដែងពីសំណាក់ក្រុមសិល្បករ សិល្បការិនី តារាចម្រៀងជាតិ អន្តរជាតិ និងកីឡាករ កីឡាការិនី អន្តរជាតិ និងក្រុមហ៊ុនជាច្រើន

ពិធីបុណ្យទន្លេ ដែលត្រូវបានរៀបចំឡើងកាលពីឆ្នាំមុនៗ

ដោយសារតែភូមិសាស្ត្រទីរួមខេត្តកណ្ដាលនៅជិតរាជធានីភ្នំពេញ ការរៀបចំបុណ្យទន្លេឆ្នាំនេះរំពឹងនឹងមានអ្នកចូលរួមប្រមាណជា ១លាន៥សែននាក់។ សូមបញ្ជាក់ថា ការប្រារព្ធពិធីបុណ្យទន្លេមានចំនួន ៣ដងរួចមកហើយ គឺនៅខេត្តកំពង់ចាម ក្រចេះ និងស្ទឹងត្រែង៕