ទ្រព្យសម្បត្តិលោក សម រង្ស៊ី ត្រូវតុលាការរឹបអូសជាបណ្ដោះអាសន្ន

2018-02-27 07:43:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក រស់ ពិសិដ្ឋ ចៅក្រមសាលាដំបូងរាជធានីភ្នំពេញ បានឲ្យដឹងថា សាលាដំបូងរាជធានីភ្នំពេញ បានចេញដីកាសម្រេចរឹបអូសដី និងអគាររបស់លោក សម រង្ស៊ី ជាបណ្ដោះអាសន្ន។ ការរឹបអូសនេះធ្វើឡើងដោយសារតែលោក សម រង្ស៊ី មិនបានបង់ប្រាក់សងជំងឺចិត្តនៅក្នុងសំណុំរឿងដែលប្ដឹងដោយសម្ដេច ហេង សំរិន និងសម្ដេច ហ៊ុន សែន។

អតីតទីស្នាក់ការគណបក្សសង្គ្រោះជាតិ

ដី និងអគារដែលនឹងត្រូវរឹបអូស មានទីតាំងស្ថិតនៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដែលជាទីស្នាក់ការចាស់របស់អតីតគណបក្សសង្គ្រោះជាតិ។ នៅក្នុងដីកាចុះកាលពីថ្ងៃទី២៦កុម្ភៈនេះដែរ បានឲ្យដឹងទៀតថា ដើម្បីទទួលបាននូវការលុបចោលការអនុវត្តការរឹបអូសជាបណ្ដោះអាសន្ននេះ កូនបំណុលឈ្មោះ សម រង្ស៊ី ត្រូវតម្កល់ប្រាក់នៅសាលារាជធានីភ្នំពេញចំនួន ៤,២៤ពាន់លានរៀល (ឬជាង ១លាន ៦០ម៉ឺនដុល្លារ)៕