តើឧកញ៉ាណាខ្លះ ដែលជាប់ឆ្នោតជាសមាជិកព្រឹទ្ធសភា នៅអាណត្តិថ្មីនេះ?

2018-03-03 07:04:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បញ្ជីរាយនាមបេក្ខជនជាប់ឆ្នោតសមាជិកព្រឹទ្ធសភា នីតិកាលទី៤ ដែល គ.ជ.ប បានប្រកាសផ្សព្វផ្សាយ នាព្រឹកថ្ងៃទី៣ ខែមីនា ឆ្នាំ២០១៨ បង្ហាញថា មានឧកញ៉ា ជាមហាសេដ្ឋីនៅប្រទេសកម្ពុជាចំនួន ៤ រូប បានបន្តជាប់ឆ្នោត ធ្វើជាសមាជិកព្រឹទ្ធសភា នៅអាណត្តិថ្មី រយៈពេល ៦ឆ្នាំតទៅទៀត។

លោក ម៉ុង ឫទ្ធី

ឧកញ៉ាទាំង ៤ រូបនោះ គឺ៖

ទី១- លោកឧកញ៉ា ឡាវ ម៉េងឃីន នៅមណ្ឌលភូមិភាគទី៣ (ខេត្តកណ្តាល)

ទី២- លោកឧកញ៉ា កុក អាន នៅមណ្ឌលភូមិភាគទី៥ (ខេត្តតាកែវ កំពត និងខេត្តកែប)

ទី៣- លោកឧកញ៉ា លី យ៉ុងផាត់ នៅមណ្ឌលភូមិភាគទី៧ (ខេត្តកំពង់ស្ពឺ កំពង់ឆ្នាំង ពោធិ៍សាត់ កោះកុង និងខេត្តព្រះសីហនុ)

និងទី៤-លោកឧកញ៉ា ម៉ុង ឫទ្ធី នៅមណ្ឌលភូមិភាគទី៧ (ខេត្តកំពង់ស្ពឺ កំពង់ឆ្នាំង ពោធិ៍សាត់ កោះកុង និងខេត្តព្រះសីហនុ)។

លោក លី យ៉ុងផាត់

សូមរំឭកថា លោកឧកញ៉ាទាំង ៤ រូប ដែលជាមហាសេដ្ឋីនៅប្រទេសកម្ពុជា ក៏បានជាប់ឆ្នោត ធ្វើជាសមាជិកព្រឹទ្ធសភា នីតិកាលទី៣ រយៈពេល ៦ឆ្នាំ ក្នុងកូតាគណបក្សប្រជាជនកម្ពុជា ចាប់ពីឆ្នាំ២០១២ ដល់ឆ្នាំ២០១៨ នេះ៕

អត្ថបទ៖ លីហៀង