លោក ប្រាយុទ្ធ អំពាវនាវឲ្យបញ្ចប់រូបភាពទេសចរណ៍សិចនៅថៃ

2018-03-04 08:08:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយករដ្ឋមន្រ្តីថៃ លោក ប្រាយុទ្ធ ចាន់អូចា បានលើកឡើងកាលពីថ្ងៃទី២៧ ខែកុម្ភៈកន្លងទៅថា ប្រទេសថៃ ត្រូវតែផ្លាស់ប្តូររូបភាពនៃទិសដៅទេសចរណ៍សិច។

លោក ប្រាយុទ្ធ ចាន់អូចា នាយករដ្ឋមន្រ្តីថៃ

លោកទទួលស្គាល់ថា មនុស្សមួយចំនួនបានប្រកបមុខរបរនេះ ដើម្បីជីវភាពរស់នៅ។ ដូច្នេះរដ្ឋាភិបាល ត្រូវជួយដោះស្រាយទាំងការរកការងារធ្វើ និងចំណូលរបស់ពួកគេ ហើយត្រូវមើលថាតើពួកគេពេញចិត្តនឹងផ្លាស់ប្តូរមុខរបរផ្លូវភេទនេះដែរឬទេ។ លោកបន្ថែមថា មានអ្នកខ្លះ បានសម្រេចចិត្តប្រកបការងារនេះ ដើម្បីយកលុយទៅទិញទំនិញប្រណីតៗ។

លោកបានលើកឡើងពីការជំរុញគុណភាពទេសចរណ៍ នៅក្រុងប៉ាតាយ៉ា និងតំបន់ទេសចរណ៍ផ្សេងទៀត ដោយការផ្លាស់ប្តូរនូវរូបភាពទេសចរណ៍សិចនេះចេញ។

កន្លែងសេវាបម្រើផ្លូវភេទ១កន្លែង នៅក្រុងប៉ាតាយ៉ា ប្រទេសថៃ

គួរកត់សម្គាល់ដែរថា ការអំពាវនាវនេះ ក្រោយពេលដែលរដ្ឋមន្រ្តីក្រសួងទេសចរណ៍ប្រទេសហ្គាំប៊ី លោក Hamat Bah បានប្រកាសកាលពីសប្តាហ៍មុនថា ទេសចរបរទេសដែលមានបំណងមកកម្សាន្ត ដើម្បីស្វែងរកសេវាកម្មផ្លូវភេទ មិនគួរធ្វើដំណើរទៅកាន់ប្រទេសរបស់លោកនោះទេ។ ផ្ទុយទៅវិញ លោកបានប្រាប់ទេសចរថា គួរទៅលេងនៅប្រទេសថៃ បើចង់បានសេវាកម្មនេះ។

ក្រោយការប្រកាសដូច្នេះ ក្រសួងការបរទេសថៃ បានផ្ញើលិខិតតាមស្ថានទូតខ្លួននៅប្រទេសសេណេហ្គាល់ (ស្ថានទូតនេះមានបេសកកម្មទំនាក់ទំនងជាមួយហ្គាំប៊ីផងដែរ) ដោយបញ្ជាក់ពីភាពមិនពេញចិត្តចំពោះការលើកឡើងរបស់រដ្ឋមន្រ្តីទេសចរណ៍ហ្គាំប៊ីនោះទេ។ ក្រសួងការបរទេសថៃ បានហៅការនិយាយបែបនេះ ថាបានធ្វើឲ្យប៉ះពាល់ដល់រូបភាពទេសចរណ៍ថៃ៕