ក្រសួងអប់រំ បង្ហាញមុខវិជ្ជាដែលត្រូវប្រឡងបាក់ឌុបឆ្នាំ២០១៨

2018-03-05 06:39:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមសេចក្តីណែនាំ១របស់ក្រសួងអប់រំ យុវជន និងកីឡា កាលពីថ្ងៃទី២ ខែមីនា ឆ្នាំ២០១៨ ឲ្យដឹងថា ការប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី២០ ខែសីហា ឆ្នាំ២០១៨ គឺមានមុខវិជ្ជាប្រឡងចំនួន៧ សម្រាប់ថ្នាក់វិទ្យាសាស្រ្ត និងថ្នាក់វិទ្យាសាស្រ្តសង្គម។

រដ្ឋមន្រ្តីក្រសួងអប់រំ បើកវិញ្ញាសាប្រឡងបាក់ឌុបឆ្នាំ២០១៧

**វិញ្ញាសាសម្រាប់ថ្នាក់វិទ្យាសាស្រ្ត**

១. មុខវិជ្ជាជម្រើស រយៈពេល ៦០នាទី ពិន្ទុពី ០ ដល់ ៥០

២. ជីវវិទ្យា រយៈពេល ៩០នាទី ពិន្ទុពី ០ ដល់ ៧៥

៣. គីមីវិទ្យា រយៈពេល ៩០នាទី ពិន្ទុពី ០ ដល់ ៧៥

៤. ភាសាបរទេស រយៈពេល ៦០នាទី ពិន្ទុពី០ ដល់ ៥០

៥. អក្សរសាស្រ្តខ្មែរ រយៈពេល ៩០នាទី ពិន្ទុពី០ ដល់ ៧៥

៦. រូបវិទ្យា រយៈពេល ៩០នាទី ពិន្ទុពី០ ដល់ ៧៥

៧. គណិតវិទ្យា រយៈពេល ១៥០នាទី ពិន្ទុពី០ ដល់ ១២៥។

ចំពោះមុខវិជ្ជាជម្រើស គឺត្រូវជ្រើសរើស១មុខវិជា្ជ ក្នុងចំណោមភូមិវិទ្យា ប្រវត្តិវិទ្យា សីលធម៌-ពលរដ្ឋវិជ្ជា និងផែនដីនិងបរិស្ថានវិទ្យា។

បេក្ខជនប្រឡងបាក់ឌុប កាលពីឆ្នាំកន្លងទៅ

វិញ្ញាសាសម្រាប់ថ្នាក់វិទ្យាសាស្រ្តសង្គម

១. មុខវិជ្ជាជម្រើស រយៈពេល ៦០នាទី ពិន្ទុពី០ ដល់ ៥០

២. ប្រវត្តិវិទ្យា រយៈពេល ៩០នាទី ពិន្ទុពី០ ដល់ ៧៥

៣. ភូមិវិទ្យា រយៈពេល ៩០នាទី ពិន្ទុពី០ ដល់ ៧៥

៤. ភាសាបរទេស រយៈពេល ៦០នាទី ពិន្ទុពី០ ដល់ ៥០ ៥. គណិតវិទ្យា រយៈពេល៩០នាទី ពិន្ទុពី០ ដល់៧៥

៦. សីលធម៌-ពលរដ្ឋវិជ្ជា រយៈពេល៩០នាទី ពិន្ទុពី០ ដល់ ៧៥

៧. អក្សរសាស្រ្តខ្មែរ រយៈពេល១៥០នាទី ពិន្ទុពី០ ដល់ ១២៥។

ចំពោះមុខវិជ្ជាជម្រើស ត្រូវជ្រើសរើស១មុខវិជ្ជាក្នុងចំណោមរូបវិទ្យា គីមីវិទ្យា ជីវវិទ្យា និងផែនដី និងបរិស្ថានវិទ្យា។

សម្រាប់មុខវិជ្ជាភាសាបរទេសដែលជាវិញ្ញាសាតាមស្ម័គ្រ ត្រូវយកផលសងនៃពិន្ទុដែលសិស្សធ្វើបាន ដកនឹង ២៥។

ចំពោះមុខវិជ្ជាជម្រើសទាំងថ្នាក់វិទ្យាសាស្រ្ត និងថ្នាក់វិទ្យាសាស្រ្តសង្គម ក្រសួងអប់រំ នឹងជូនដំណឹងអំពីមុខវិជ្ជាដែលក្រសួងបានជ្រើសរើសធ្វើជាវិញ្ញាសាប្រឡងយ៉ាងយូរ ៤៥ថ្ងៃ មុនសម័យប្រឡង៕

អត្ថបទ៖ សំភី