ធ្លាយវីដេអូថាសហោះ UFO ដែលថតបានដោយអ្នកបើកយន្តហោះចម្បាំងអាមេរិក
- 2018-03-13 04:01:48
- ចំនួនមតិ 0 | ចំនួនចែករំលែក 0
ធ្លាយវីដេអូថាសហោះ UFO ដែលថតបានដោយអ្នកបើកយន្តហោះចម្បាំងអាមេរិក
ចន្លោះមិនឃើញ
អ្នកបើកយន្តហោះចម្បាំងអាមេរិកមួយក្រុម បានប្រទះឃើញនូវ វត្ថុម្យ៉ាងស្រដៀងទៅនឹងយាន UFO ដែលគ្មានស្លាប និងកន្ទុយ ខណៈពួកគេ បានកំពុងបើកបរយន្តហោះចម្បាំងប្រភេទ Boeing F/A-18 Super Horne នៅតាមបណ្ដោយឆ្នេរសមុទ្រអាមេរិកភាគខាងកើត ក្នុងឆ្នាំ ២០១៥។
យោងទៅតាមរបាយការណ៍របស់កាសែត ABCNews.com បានបញ្ជាក់ថា វីដេអូរយៈពេល ៣៥ វិនាទីនេះ ត្រូវបានថតដោយកាមេរ៉ារបស់យន្តហោះចម្បាំង F/A-18 នេះ ដែលបានហោះក្នុងរយៈកម្ពស់ 7,600 មែត្រ។ វីដេអូនេះ ត្រូវបានបែកធ្លាយ កាលពីថ្ងៃ ០៩ មីនា ដែលបានបង្ហោះដោយក្រុមអ្នកស្រាវជ្រាវឯកជន Stars Academy of Arts and Science (TTSA) ។ ក្រុមអ្នកស្រាវជ្រាវនេះ ត្រូវបានដឹកដោយលោក Hal Puthoff ទីភ្នាក់ងារ NASA និងជាអ្នកប្រឹក្សាយោបល់ឲ្យក្រសូងការពារជាតិអាមេរិក ព្រមទាំង លោក James Semivan អតីតមន្ត្រី CIA។
ជុំវិញរឿងនេះ ក្រសួងការពារជាតិអាមេរិក បានបដិសេធក្នុងការបកស្រាយចំពោះវីដេអូ ដែលបានបែកធ្លាយនេះ។
សូមជម្រាបថា វីដេអូថ្មីនេះ បានលេចចេញជាសាធារណៈ ក្រោយពីវីដេអូ ២ ផ្សេងទៀតបង្ហាញពីការប្រទះឃើញ យាន UFO ដោយក្រុមអ្នកបើកបរយន្តហោះអាមេរិក ក្នុងឆ្នាំ ២០០៤ ដែលត្រូវបានចុះផ្សាយដោយ កាសែតអាមេរិក The New York Times ក្នុងខែ ធ្នូ ២០០៤៕
សូមទស្សនាវីដេអូខាងក្រោម៖