ចិន ផលិតអាវក្រោះបំបាំងកាយ បំពាក់លើយន្តហោះចម្បាំង

2018-03-13 10:03:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថានីយពិសោធមួយរបស់ប្រទេស ចិន បានផលិតនូវ “កំពូលវត្ថុធាតុ” មួយប្រភេទ ដែលអាចធ្វើឲ្យយន្តហោះបំបាំងកាយបាន។ នេះបើតាមរបាយការណ៍របស់ទូរទស្សន៍ CCTV បានចុះផ្សាយកាលពីសប្ដាហ៍មុន។

ទោះជាយ៉ាងណាក្តី ស្ថានីយនេះ មិនបានពន្យល់ទេថា តើវត្ថុដែលខ្លួនបានផលិតនេះ ត្រូវយកទៅប្រើប្រាស់ក្នុងគោលបំណងអ្វីនោះទេ តែវា ត្រូវកាសែតក្នុងស្រុកមួយទម្លាយថា នឹងត្រូវយកទៅបំពាក់លើយន្តហោះសង្គ្រាម ជាពិសេសយន្តហោះចម្បាំងប្រភេទ J-20។

គួរបញ្ជាក់ថា ស្ថានីយពិសោធនេះ មានឈ្មោះថា State Key Laboratory of Metamaterial Electromagnetic Modulation Technology ដែលត្រូវបានឧបត្ថម្ភពីសំណាក់រដ្ឋាភិបាលចិន និងត្រូវបានបង្កើតឡើងក្នុងឆ្នាំ ២០១១

តើអ្វីដែលចិនហៅថា “កំពូលវត្ថុធាតុ”?

កំពូលវត្ថុធាតុនេះ ត្រូវបានគេស្គាល់ជាទូទៅថា Metamaterial ដែលជាប្រភេទវត្ថុធាតុថ្មីសម្រាប់ផលិតដែកយន្តហោះ ដែលមានលក្ខណៈសម្បត្តិពិសេសខុសពីដែកធម្មតា។ វត្ថុធាតុប្រភេទនេះ អាចជះផ្លាតវិទ្យុសកម្មដូចជា ពន្លឺដែលអាចមើលឃើញជាដើម។ ដូច្នេះមានន័យថា វា អាចត្រូវបានប្រើដើម្បីបង្កើតអាវក្រោះការពារយន្តហោះ ដែលអាចគេចផុតពីការចាប់របស់ប្រព័ន្ធរ៉ាដាបាន៕