ពាក្យ ៣ម៉ាត់ ដែលអ្នកគួរយល់ដឹង មុនកាន់ Page ហ្វេសប៊ុក
- 2018-03-15 06:24:53
- ចំនួនមតិ 0 | ចំនួនចែករំលែក 0
ពាក្យ ៣ម៉ាត់ ដែលអ្នកគួរយល់ដឹង មុនកាន់ Page ហ្វេសប៊ុក
ចន្លោះមិនឃើញ
អ្នកប្រើប្រាស់គណនីធម្មតា ឬកាន់ Page លើបណ្តាញសង្គម Facebook ចាំបាច់គួរយល់ឲ្យច្បាស់ពីពាក្យគន្លឹះ Engagement, Reach និង Organic។
"Engagement”
ប្រើសំដៅទៅលើចំនួន Like, Share និង Comment ឬការភ្ជាប់ចំណូលចិត្តផ្សេងទៀត ទៅតាមប្រភេទបណ្ដាញសង្គមនីមួយៗ។ មិនខុសពីមធ្យោបាយដែលស្ថាប័ន ឬក្រុមហ៊ុនមួយ ធ្វើការស្ទាបស្ទង់ឬវាយតម្លៃដំណើរការ Page របស់ពួកគេ។ ចំនួន Like នៃផុសលើ Facebook, Tweet លើ Twitter និងការមើលផុសលើ Pinterest សុទ្ធសឹងជាឧទាហរណ៍នៃ Engagement លើបណ្ដាញសង្គមទាំងអស់។
“Reach”
ប្រើលើ Facebook ពាក្យ Reach សំដៅទៅឥទ្ធិពល ឬទំហំនៃអ្នកបានឃើញ ដែលយើងអាចបង្ហោះទៅដល់ តាមរយៈមាតិកា (វីដេអូ, រូបភាព ឬ Status)។ ចំនួននេះ ពុំអាចបញ្ជាក់ច្បាស់ពីទំហំតួលេខអ្នក View នោះឡើយ។ ឧទាហរណ៍លើ Link នៃអត្ថបទមួយ មានចំនួន Reach ដល់ ១០០០ នាក់ និងចំនួន Click ឬ View លើអត្ថបទ ១០០ នាក់។
“Organic”
មាតិកាបែប Organic ចង់សម្គាល់នូវរាល់មាតិកាទាំងឡាយណា ដែលមិនចំណាយថវិកាលើការចុច Boost ឬ Promote ដោយចំណាយលុយ ហើយចំនួន Like, Share និង View បែងចែកដាច់ដោយឡែកពីគ្នា បើធៀបនឹងប្រភេទមាតិកា Paid (ចំណាយលុយ)៕