John Cena ទម្លាយការពិតថា ខ្លួនជាអ្នកគាំទ្រក្រុមចម្រៀងកូរ៉េ១

2018-03-15 07:03:08
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកកីឡាកាស និងជាតារាសម្ដែងដ៏ល្បី John Cena កាលពីពេលថ្មីៗនេះបានបង្កជាភាពភ្ញាក់ផ្អើលខ្លាំងនៅលើបណ្ដាញសង្គម Instagram ដោយលោកតែងតែបង្ហោះរូបពាក់ព័ន្ធនឹងក្រុមចម្រៀងកូរ៉េខាងត្បូង១ក្រុម។ ការបង្ហោះនេះធ្វើឲ្យរាល់គ្នាសង្ស័យថា លោកអាចជាអ្នកគាំទ្រម្នាក់នៅក្នុងវិស័យចម្រៀង K-Pop ផងដែរ។

យ៉ាងណាមិញ ការបង្ហោះរបស់ John Cena មិនមានភ្ជាប់ជាមួយពាក្យ (Caption) អ្វីនោះទេ គឺគ្រាន់តែបង្ហោះរូបតារាកូរ៉េជារឿយៗ។ ហេតុដូច្នេះហើយទើបបង្កជាការសង្ស័យសម្រាប់អ្នកគាំទ្រ។

ពាក់ព័ន្ធនឹងរឿងរ៉ាវមួយនេះ សារព័ត៌មាន Metro បានសុំធ្វើការសម្ភាសន៍ជាមួយអ្នកកីឡាកាសល្បីរូបនេះ ដើម្បីលាតត្រដាងការពិត។ John Cena បានឆ្លើយសារភាពកាលពីថ្ងៃទី១៤មីនាថា រូបលោកពិតជាអ្នកគាំទ្រក្រុមចម្រៀងកូរ៉េប្រាកដមែន ហើយតារាដែលលោកចូលចិត្តខ្លាំងគឺ J-Hope បន្ទាប់មក Hangsang ដោយពួកគេទាំង២សុទ្ធតែជាសមាជិកក្រុម BTS។ អ្នកកីឡាវ័យ៤០ឆ្នាំរូបនេះ បន្តថា បទចម្រៀង "Base Line" របស់ J-Hope គឺជាបទដែលលោកឧស្សាហ៍ស្ដាប់ជាងគេ៕