លោក ពូទីន ប្រកាសថា រុស្ស៊ី នឹងធ្វើដំណើរទៅភពអង្គារនៅឆ្នាំក្រោយ

2018-03-15 09:15:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីរុស្ស៊ី លោក វ្លាឌីមា ពូទីន បានអះអាងក្នុងកិច្ចសម្ភាសន៍១ថា រុស្ស៊ីកំពុងរៀបចំបេសកកម្មឆ្ពោះទៅកាន់ភពអង្គារ នៅក្នុងឆ្នាំ២០១៩។ នេះបើតាមការចេញផ្សាយរបស់សារព័ត៌មានរុស្ស៊ី RT នៅថ្ងៃទី១៥ ខែមីនា ឆ្នាំ២០១៨នេះ។

លោក វ្លាឌីមា ពូទីន ក្នុងកិច្ចសម្ភាសន៍១ជាមួយ CNBC កាលពីពេលថ្មីៗនេះ

លោក ពូទីន បាននិយាយថា រុស្ស៊ី កំពុងមានគម្រោងបញ្ជូនយានអវកាសដែលគ្មានមនុស្ស ហើយក្រោយមកទៀតនឹងមានមនុស្សបើក ទៅកាន់ទីអវកាសជ្រៅៗ ជាផ្នែក១នៃកម្មវិធីរុករកភពព្រះចន្ទ និងភពអង្គារ។ ការរុករកភពព្រះចន្ទ នឹងត្រូវធ្វើឡើងនាពេលឆាប់ៗនេះ ខណៈការរុករកនៅភពអង្គារ នឹងធ្វើឡើងនៅឆ្នាំ២០១៩។

លោកប្រធានាធិបតីពន្យល់ថា អ្នកឯកទេសរុស្ស៊ី នឹងព្យាយាមចុះចតនៅជិតតំបន់ប៉ូលនៃភពព្រះចន្ទ ដោយសង្ឃឹមថានឹងរកឃើញប្រភពទឹកនៅទីនោះ និងសម្រាប់ធ្វើជាមូលដ្ឋាន ក្នុងការបន្តការស្រាវជ្រាវនៅភពផ្សេងៗទៀតជាពិសេសគឺភពអង្គារ។

ភពអង្គារ

ការប្រកាសពីគម្រោងពោរពេញដោយមហិច្ឆតានេះ បានធ្វើឡើងក្រោយពេលដែលអង្គការ NASA កាលពីខែវិច្ឆិកា ឆ្នាំ២០១៧ បានបញ្ចេញគម្រោងរុករកនៅភពអង្គារក្នុងឆ្នាំ២០២០ ដោយចំណាយថវិកាប្រមាណ ២ពាន់លានដុល្លារ៕

ប្រភព៖ RT ប្រែសម្រួល៖ សំភី