កំសៀវដាក់ស្រាដែលមានអាយុកាល២០០០ឆ្នាំ ត្រូវបានរកឃើញនៅប្រទេសចិន
- 2018-03-20 07:24:25
- ចំនួនមតិ 0 | ចំនួនចែករំលែក 0
កំសៀវដាក់ស្រាដែលមានអាយុកាល២០០០ឆ្នាំ ត្រូវបានរកឃើញនៅប្រទេសចិន
ចន្លោះមិនឃើញ
ក្រុមអ្នកបុរាណវត្ថុវិទូចិន បានរកឃើញកំសៀវស្ពាន់មួយ ដែលមានផ្ទុកស្រាដ៏យូរលង់ចំណុះ ៣០០ មីលីលីត្រ ពីផ្នូរបុរាណក្នុងរាជវង្ស ឈិង ចន្លោះពី ឆ្នាំ២២១-២០៧ មុនគ.ស។
កំសៀវនេះ ជារបស់មួយក្នុងចំណោមរបស់ចំនួន ២៦០ ដែលត្រូវបានរកឃើញក្នុងផ្នូរបុរាណ នៅខេត្ត Shaanxi ភាគពាយព្យប្រទេសចិន។
ចំណែកស្រាដែលគេប្រទះឃើញក្នុងកំសៀវនេះ មានពណ៌ស ដែលក្រុមអ្នកស្រាវជ្រាវជឿថា វាត្រូវបានបង្កើតដោយបច្ចេកទេសផលិតមេស្រា ដែលរួមបញ្ចូលនូវសារធាតុអាស៊ីត អាមីណេក្នុងប្រូតេអ៊ីន។ វាមានអាយុកាលប្រមាណជា ២០០០ឆ្នាំ។
ទាក់ទងនឹងរឿងនេះ អ្នកស្រាវជ្រាវ ត្រូវការពេលបន្ថែមទៀត ក្នុងការសិក្សាអំពីស្រានេះ ដើម្បីយល់ឲ្យកាន់តែច្បាស់នូវបច្ចេកទេសផលិតស្រា រួមទាំងវប្បធម៌ផឹកស្រាក្នុងទីក្រុងបុរាណ Xianyang ក្នុងរាជវង្សQin របស់ចិនផងដែរ។
សូមជម្រាបថា ក្រៅពីនេះ អ្នកស្រាវជ្រាវចិន ក៏បានរកឃើញដាវស្ពាន់ប្រវែង ៦០សង់ទីម៉ែត្រ និងសំបកអណ្ដើកប្រវែង ១៤ សង់ទីម៉ែត្រទៀតផង។ អ្នកស្រាវជ្រាវទាំងនេះ កំពុងព្យាយាមបង្កើតនូវរូបភាពជីវិតរបស់ប្រជាជនក្នុងទីក្រុងបុរាណ នៃរាជវង្សដំបូងបង្អស់របស់ចិន៕