ម្ចាស់ក្លឹបនៅលីគកំពូលអង់គ្លេសចំនួន២រូប ប្រឈមនឹងការរឹបអូសទ្រព្យសម្បត្តិ

2018-03-19 08:33:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ភាពតានតឹងនៃទំនាក់ទំនងការទូតរវាងប្រទេសអង់គ្លេស និងរុស្ស៊ី បានធ្វើឲ្យមហាសេដ្ឋីរុស្ស៊ីចំនួន ២រូបនៅអង់គ្លេស គឺលោក Roman Abramovich ដែលជាម្ចាស់ក្លឹប Chelsea និងលោក Alisher Usmanov ម្ចាស់ភាគហ៊ុនរបស់ក្លឹប Arsenal ប្រឈមនឹងការរឹបអូសទ្រព្យសម្បត្តិ ដោយរដ្ឋាភិបាលអង់គ្លេស។

លោក Roman Abramovich

លោកស្រី Theresa May នាយករដ្ឋមន្ត្រីអង់គ្លេស និងលោក Boris Johnson រដ្ឋមន្ត្រីការបរទេសអង់គ្លេស បានគំរាមចាត់វិធានការរឹបអូសទ្រព្យសម្បត្តិរបស់មហាសេដ្ឋីរុស្ស៊ីទាំងឡាយ ដែលកំពុងរស់នៅទីក្រុងឡុងដ៍ ដើម្បីជាការឆ្លើយតបនឹងវិធានការរបស់រុស្ស៊ី។

លោក Alisher Usmanov និងលោក ពូទីន ប្រធានាធិបតីរុស្ស៊ី

កាលពីសប្ដាហ៍មុន សារព័ត៌មាន New York Times បានចុះផ្សាយថា លោក Abramovich អាចត្រូវទាញចូលក្នុងបញ្ហាវិបត្តិរវាងអង់គ្លេស និងរុស្ស៊ី ដែលអាចបណ្ដាលគាត់ត្រូវបាត់បង់ក្លឹបតោខៀវ Chelsea ។

Chelsea

Arsenal

គួររំឭកថា អង់គ្លេស បានប្រកាសបណ្ដេញមន្ត្រីទូតរុស្ស៊ីចំនួន ២៣រូប ចេញពីប្រទេស មុនរុស្ស៊ី ធ្វើការឆ្លើយតបដោយការបណ្ដេញមន្ត្រីទូតអង់គ្លេស ២៣រូបវិញ កាលពីចុងសប្ដាហ៍កន្លងទៅ។ មូលហេតុ គឺដោយសាររឿងអង់គ្លេសចោទប្រកាន់រុស្ស៊ី ថាបានបញ្ជូនភ្នាក់ងារចារកម្មរបស់ខ្លួន ចូលមកធ្វើឃាត់អតីតភ្នាក់ងារចារកម្មអង់គ្លេស និងរុស្ស៊ី ឈ្មោះ Sergei Skripal នៅក្នុងប្រទេសអង់គ្លេស កាលពីដើមខែមីនាកន្លងទៅ៕

ប្រភព៖ 101 Great Goals ប្រែសម្រួល៖ លាភ.