ជប៉ុនឲ្យកម្ពុជាជាង៣៥ម៉ឺនដុល្លារ សម្រាប់គម្រោងខេត្តចំនួន៤

2018-03-19 23:51:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលជប៉ុន បានឯកភាពផ្តល់ថវិកាសរុបចំនួនជាង ៣៥ម៉ឺនដុល្លារអាមេរិក សម្រាប់ការសាងសង់អគារសិក្សាចំនួន៦ខ្នង ស្ថិតនៅក្នុងគម្រោងខេត្តចំនួន៤ ក្រោមជំនួយឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិ ហៅកាត់ថា គូសាណូណិ។

គម្រោងទី១ គឺគម្រោងសាងសង់អគារសិក្សា១ខ្នង ដោយបំពាក់បរិក្ខារសិក្សា នៅអនុវិទ្យាល័យធ្លកអណ្តូង ក្រុងសៀមរាប ខេត្តសៀមរាប ក្រោមថវិកា ៩០ ៧២៧ ដុល្លារអាមេរិក។ សិស្សានុសិស្សចំនួន ២៩៨ នាក់ នឹងអាចសិក្សាក្នុងបរិស្ថានដែលមានផាសុខភាព និងសុវត្ថិភាព ។
គម្រោងទី២ គឺគម្រោងសាងសង់អគារសិក្សា១ខ្នង ដោយបំពាក់បរិក្ខារសិក្សា នៅអនុវិទ្យាល័យ គោកងួន ស្រុកកំពង់ស្វាយ ខេត្តកំពង់ធំ ក្រោមថវិកា ៨៧ ៨៧៩ ដុល្លារអាមេរិក។ សិស្សានុសិស្សចំនួន ១៧១ នាក់ នឹងអាចសិក្សាក្នុងបរិស្ថានដែលមានផាសុខភាព និងសុវត្ថិភាព។
គម្រោងទី៣ គឺគម្រោង សាងសង់អគារសិក្សាចំនួន២ខ្នង នៅសាលាបឋមសិក្សាព្រះគន្លង និងសាលាបឋមសិក្សាអាតោ ស្រុកចុងកាល់ ខេត្តឧត្តរមានជ័យ ក្រោមថវិកាចំនួន ៨៧.៤១៩ ដុល្លារអាមេរិក។ សិស្សានុសិស្សចំនួន ១១១នាក់ នឹងអាចសិក្សាក្នុងបរិស្ថានដែលមានផាសុខភាព និងសុវត្ថិភាព។
គម្រោងទី៤ គឺគម្រោងសាងសង់អគារសិក្សាចំនួន២ខ្នង នៅសាលាបឋមសិក្សាដំណាក់កកោះ និងសាលាបឋមសិក្សាល្បើកស្វាយ ស្រុកចេក ខេត្តបន្ទាយមានជ័យ ក្រោមថវិកាចំនួន ៨៦.៦១០ ដុល្លារអាមេរិក ។ សិស្សានុសិស្សចំនួន ១៩៩នាក់ នឹងអាចសិក្សាក្នុងបរិស្ថានដែលមានផាសុខភាព និងសុវត្ថិភាព។

គូសបញ្ជាក់ថា ជំនួយឥតសំណងគូសាណូណិរបស់ជប៉ុន បានចាប់ផ្តើមនៅកម្ពុជា ក្នុងឆ្នាំ១៩៩១ ដើម្បីគាំទ្រដល់កិច្ចខិតខំប្រឹងប្រែងរបស់កម្ពុជា ក្នុងការអភិវឌ្ឍ និងស្ថាបនាឡើងវិញនៅតាមកម្រិតមូលដ្ឋាន ។ ចាប់ពីឆ្នាំនោះមក រដ្ឋាភិបាលជប៉ុន បានផ្តល់ថវិកាចំនួនជាង ៥៨លានដុល្លារអាមេរិក ដល់អាជ្ញាធរមូលដ្ឋាន និងអង្គការក្រៅរដ្ឋាភិបាល ដើម្បីអនុវត្តគម្រោងគូសាណូណិចំនួន ៥៩៤ គម្រោងនៅទូទាំងប្រទេសកម្ពុជា ៕

ប្រភព៖ Vayo Fm ប្រែសម្រួល៖ ឈាង.