អាជ្ញាធរ ចាប់ផ្ដើមសង់ដំបូលរួមនៅផ្សារច្បារអំពៅ ឲ្យអាជីវករលក់ដូរបណ្ដោះអាសន្ន

2018-03-20 12:01:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី២០ ខែមីនានេះ អាជ្ញាធររាជធានីភ្នំពេញ បានសម្រេចសាងសង់ដំបូលផ្សាររួម ដើម្បីឱ្យក្រុមអាជីវករអាចលក់ដូរបណ្តោះអាសន្ន។ ការសម្រេចនេះ ធ្វើឡើងក្រោយពីតូបជាច្រើននៅផ្សារច្បារអំពៅ បានឆាបឆេះកាលពីថ្ងៃទី១៥ ខែមីនាកន្លងទៅ។

ក្រៅពីធ្វើដំបូលផ្សាររួម អាជ្ញាធរក៏បាន ធ្វើរបងស័ង្កសីព័ទ្ធជុំវិញតូបដែលនៅសេសសល់ ដើម្បីការពារសុវត្ថិភាព ទុកឱ្យអាជីវករចូលលក់ដូរបណ្ដោះអាសន្នផងដែរ។

ទីតាំងតូបដែលត្រូវអគ្គិភ័យឆាបឆេះទាំងស្រុង (រូបភាព៖ រស្មីកម្ពុជា)

សូមបញ្ជាក់ថា កាលពីយប់ថ្ងៃទី១៥ មីនា បន្តរហូតដល់ថ្ងៃទី១៦ ខែមីនា ឆ្នាំ២០១៨ អគ្គិភ័យបានឆាបឆេះតូបចំនួន ៦៤៦តូប ក្នុងចំណោម ១៤៤៧តូប នៅផ្សារច្បារអំពៅ។ ហេតុការណ៍នេះពុំបង្កឱ្យមាន មនុស្សរបួស ឬស្លាប់នោះទេ ប៉ុន្តែបើគិតជាទឹកប្រាក់ដែលបាត់បង់ដោយសារអគ្គិភ័យនេះ គឺមានជិត ៥លានដុល្លារអាមេរិក។ អាជ្ញាធរបញ្ជាក់ថា មូលហេតុនៃអគ្គិភ័យនេះ គឺដោយសារឆ្លងចរន្តអគ្គិសនីនៅក្នុងផ្សារ៕