អ្នកដឹកនាំរឿង Avengers ឆ្លើយតបនឹងវីដេអូ parody របស់ក្រុមសិស្សម៉ាឡេស៊ី

2018-03-21 07:42:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សិស្សម៉ាឡេស៊ីមួយក្រុម បានផលិតវីដេអូត្រាប់តាម (Parody) trailer ខ្សែភាពយន្ត Marvel's Avengers: Infinity War ដោយទទួលបានការចែកចាយយ៉ាងច្រើន ក្នុងបណ្តាញសង្គម Twitter។

ក្រោយឃើញវីដេអូនោះ បងប្អូនត្រកូល Russo គឺលោក Anthony និងJoe Russo ដែលជាអ្នកដឹកនាំរឿងនេះ បានបង្ហោះសារនៅក្នុងបណ្ដាញសង្គម Twitter កាលពីថ្ងៃអង្គារម្សិលមិញថា៖ “Aiman (ឈ្មោះសិស្សដែលបង្ហោះវីដេអូក្នុងបណ្តាញសង្គមTwitter)! អ្នកទាំងអស់គ្នាពិតជាមានទេពកោសល្យ។ តើអ្នកទាំងអស់គ្នាទំនេរដើម្បីដឹកនាំរឿង Avengers វគ្គ ៥ ដែរឬទេ?”

Aiman. You guys are geniuses. Are you available to direct Avengers 5? https://t.co/8IIS3hacBu
— Russo Brothers (@Russo_Brothers) March 18, 2018

សូមជម្រាបថា វីដេអូនេះ ត្រូវបានបង្ហោះក្នុងបណ្ដាញសង្គម Twitter កាលពីថ្ងៃ១៨ មីនា។ គិតមកទល់ពេលនេះ វា ត្រូវបានគេចូលទស្សនាប្រមាណជាង ៣,១៨ លានដង។ វីដេអូរយៈពេលជាង២នាទីនេះ ត្រូវបានថតដោយទូរសព្ទ ដែលបានចំណាយពេល ៥ ថ្ងៃសម្រាប់ការផលិត៕

សូមទស្សនាវីដេអូខាងក្រោម៖