រាជរដ្ឋាភិបាល កំពុងសិក្សារៀបចំច្បាប់អន្តោប្រវេសន៍ជាថ្មី
- 2018-03-22 10:12:06
- ចំនួនមតិ 0 | ចំនួនចែករំលែក 0
រាជរដ្ឋាភិបាល កំពុងសិក្សារៀបចំច្បាប់អន្តោប្រវេសន៍ជាថ្មី
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានថ្លែងថា រាជរដ្ឋាភិបាលកំពុងគិតគូរសិក្សារៀបចំច្បាប់អន្តោប្រវេសន៍ជាថ្មី ដើម្បីឆ្លើយតបទៅនឹងនិន្នាការវិវត្តន៍ប្រែប្រួល នៃចរន្តតំបន់ភាវូបនីយកម្ម និងសកលភាវូបនីយកម្ម។ ការថ្លែងបញ្ជាក់ដូច្នេះ ធ្វើឡើងនៅក្នុងពិធីបិទសន្និបាតបូកសរុបការងារឆ្នាំ២០១៧ និងលើកទិសដៅការងារឆ្នាំ២០១៨ របស់ក្រសួងមហាផ្ទៃ នៅរសៀលថ្ងៃទី២២ ខែមីនា ឆ្នាំ២០១៨ នៅទីស្តីការក្រសួងមហាផ្ទៃ។
សម្តេចនាយករដ្ឋមន្ត្រី ហ៊ុន សែន បានមានប្រសាសន៍ថា ការងារគ្រប់គ្រងជនអន្តោប្រវេសន៍សម្រេចបានសមទ្ធិផលគួរឲ្យកត់សម្គាល់ ពិសេសការបង្កើនការគ្រប់គ្រងជនបរទេសចេញចូលកម្ពុជា ការគ្រប់គ្រងជនបរទេសដែលកំពុងតែស្នាក់នៅក្នុងប្រទេស និងការដកហូតឯកសាររដ្ឋបាលកម្ពុជាមិនប្រក្រតី ដែលជនបរទេសកំពុងកាន់កាប់ប្រើប្រាស់មិនសមស្របជាដើម។
យោងតាមរបាយការណ៍បង្ហាញថា អគ្គនាយកដ្ឋានអន្តោប្រវេសន៍បានរកឃើញជនបរទេសអន្តោប្រវេសន៍ចំនួនជាង ៤,៦ម៉ឺនគ្រួសារ ស្មើនឹង ១៧,៦ម៉ឺននាក់ ស្រីជិត ៨ម៉ឺននាក់។ ក្នុងនោះជនបរទេសអន្តោប្រវេសន្តកាន់កាប់ប្រើប្រាស់ឯកសាររដ្ឋបាលកម្ពុជាមិនប្រក្រតីមានចំនួនជាង ២ម៉ឺនគ្រួសារ ស្មើ ៧,៣ម៉ឺននាក់ មាន ០៥សញ្ជាតិ៕