ហ្វីលីពីន ឡើងទៅ ជុំផ្តាច់ព្រ័ត្រ AFC Asian Cup ជាលើកដំបូងក្នុងប្រវត្តិសាស្ត្រ
- 2018-03-28 06:18:03
- ចំនួនមតិ 0 | ចំនួនចែករំលែក 0
ហ្វីលីពីន ឡើងទៅ ជុំផ្តាច់ព្រ័ត្រ AFC Asian Cup ជាលើកដំបូងក្នុងប្រវត្តិសាស្ត្រ
ចន្លោះមិនឃើញ
ក្រុមបាល់ទាត់ជម្រើសជាតិហ្វីលីពីន បានឆ្លងទៅវគ្គសន្សំពិន្ទុ ជុំផ្តាច់ព្រ័ត្រ ពានរង្វាន់ AFC Asian Cup 2019 បន្ទាប់ពីយកឈ្នះក្រុមជម្រើសជាតិ តាហ្ស៊ីគីស្ថាន ដោយលទ្ធផល ២-១ នៅកីឡដ្ឋាន Rizal Memorial នាទីក្រុងម៉ានីល ប្រទេសហ្វីលីពីន កាលពីម្សិលមិញ។
ជោគជ័យក្នុងការប្រកួតនៃវគ្គជម្រុះជុំចុងក្រោយ AFC Asian Cup របស់ហ្វីលីពីន មានន័យថា វគ្គសន្សំពិន្ទុ ជុំផ្តាច់ព្រ័ត្រ ពានរង្វាន់ AFC Asian Cup 2019 នឹងមានប្រទេសមកពីអាស៊ានចំនួន៣ គឺ ថៃ វៀតណាម និង ហ្វីលីពីន។
ហ្វីលីពីន ឈរនៅកំពូលតារាង ពូល F វគ្គជម្រុះជុំចុងក្រោយ បន្ទាប់ពីមិនស្គាល់ពាក្យថាចាញ់ក្នុង ៦ប្រកួត ពោលគឺ ឈ្នះ៣ និងស្មើ៣។ ចាប់ពីឆ្នាំ១៩៥៦មក ហ្វីលីពីន មិនធ្លាប់ធ្វើបានល្អបែបនេះទេ ដោយធ្លាប់តែធ្លាក់ត្រឹមវគ្គជម្រុះ ឬ ដកខ្លួនចេញពីការប្រកួត។
សូមបញ្ជាក់ថា ក្រុមដែលធ្លាក់ត្រឹមវគ្គជម្រុះជុំចុងក្រោយ រួមមាន កម្ពុជា មីយ៉ាន់ម៉ា ម៉ាឡេស៊ី និង សិង្ហបុរី។ ពានរង្វាន់ AFC Asian Cup 2019 នឹងរៀបចំនៅប្រទេសអារ៉ាប់រួម ដោយមាន ២៤ក្រុមចូលរួម ចាប់ពីថ្ងៃទី៥ ខែមករា ដល់ថ្ងៃទី១ ខែកុម្ភៈ ឆ្នាំ២០១៩៕